كوروناۆيرۋس • 27 ناۋرىز، 2020

جامبىل وبلىسىندا تىركەلگەن 2 ناۋقاس قىرعىزستاننان كەلگەن - مارات جۇمانقۇلوۆ

69 رەتكورسەتىلدى

جامبىل وبلىسى دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ سوڭعى تاۋلىكتە جامبىل وبلىسىنان تىركەلگەن 2 ناۋقاس جايىندا ايتتى.

«سوڭعى تاۋلىكتە جامبىل وبلىسىندا تاعى ەكى ادام تىركەلدى. جالپى تىركەلگەن ءۇش وقيعانىڭ ءبىر-بىرىنە ەشقانداي بايلانىسى جوق. بۇل ازاماتتار ءارتۇرلى جاعدايدا ۆيرۋس جۇقتىرعان. بىراق بارلىعى دا قىرعىزستاننان كەلگەن. ءبىرىنشى ازامات 1974 جىلى تۋعان قورداي اۋدانىنىڭ تۇرعىنى. ول  قىرعىزستان رەسپۋبليكاسىندا بولعان. شەكارادان وتكەن ۋاقىتتا بەلگىلەنگەن الگوريتمگە سايكەس ءبىر كۇندىك كارانتينگە وقشاۋلانىپ، زەرتتەۋلەر جاسالدى. زەرتتەۋ ناتيجەسى بويىنشا وڭ ناتيجە شىقتى. بۇل ناۋقاسپەن تىعىز قارىم-قاتىناستا بولعان ادامدار انىقتالدى.  بۇگىنگى تاڭدا ولاردىڭ بارلىعى وقشاۋلاندى. كارانتينگە ستاتسيونارعا جاتقىزىلعان»، دەدى مارات جۇمانقۇلوۆ.

سونداي-اق ول ەكىنشى ناۋقاس تا قورداي اۋدانىنىڭ تۇرعىنى ەكەنىن ايتتى.

«ەكىنشى ناۋقاس تا قورداي اۋدانىنىڭ تۇرعىنى. بۇل ازامات تا قىرعىزستاننان كەلگەن. بەلگىلەنگەن الگوريتم بويىنشا ءتيىستى جۇمىستار اتقارىلدى. بۇل ناۋقاسپەن تىعىز قارىم-قاتىناستا بولعان ادامدار انىقتالدى.  بۇگىنگى تاڭدا ولاردىڭ بارلىعى وقشاۋلاندى. كارانتينگە ستاتسيونارعا جاتقىزىلعان»، دەدى ول.

ونىڭ ايتۋىنشا، بۇگىنگى تاڭدا ىندەت جۇقتىرعان ازاماتتاردىڭ دەنساۋلىق جاعدايى بىرقالىپتى. دەنساۋلىقتارىنا ەشقانداي شاعىم جوق. بەكىتىلگەن كلينيكالىق-دياگنوستيكالىق پروتوكولعا سايكەس ەم قابىلداۋدا. وقشاۋلانعان ازاماتتاردىڭ دا جاعدايلارى قاناعاتتانارلىق، دەنساۋلىقتارىنا شاعىم جوق.

سوڭعى جاڭالىقتار

ۇقساس جاڭالىقتار