اۋدانداعى ماسانشى, بۇلار باتىر, اۋقاتتى جانە قاراسۋ اۋىلدارىندا بارلىعى 40 تۇرعىن ءۇي, 20 كوممەرتسيالىق نىسان جانە 5 شارۋاشىلىق ناسىندارى ورتەنگەن. بۇل ورايداعى بارلىق جۇمىستار «ششيۆون» قايىرىمدىلىق قورى جينايتىن دەمەۋشىلىك قاراجات ەسەبىنەن جۇرگىزىلەتىن بولادى. بۇگىندە ورتتەن زارداپ شەككەن 39 وتباسىنا وبلىستىق رەزەرۆتەن جالپى كولەمى 20,6 ميلليون تەڭگە قاراجات ءبولىندى. سونداي-اق, مەملەكەتتىك ماتەريالدىق رەزەرۆتەن تۇرعىن ءۇي-جايلاردى قالپىنا كەلتىرۋ ءۇشىن 26 توننا ارماتۋرا, 16 750 م2 جابىن ماتەريالى, 400 م3 اعاش بولىنگەن.
ال, ءىشىنارا زاقىم العان جىلجىمايتىن م ۇلىك نىساندارى دەمەۋشىلىك قاراجات ەسەبىنەن قالپىنا كەلتىرىلگەن. زارداپ شەككەن وتباسىلارعا كومەك كورسەتۋ ماقساتىندا قايىرىمدىلىق قورلارىنا 22,5 ميلليون تەڭگە قاراجات تۇسكەن. قازىرگى تاڭدا 9 وتباسىنا اسىراۋشىسىنان ايىرىلۋىنا بايلانىستى جاردەماقى تاعايىندالعان. سونىمەن قاتار, قازا تاپقانداردىڭ وتباسىلارىنا جالپى كولەمى 8,2 ميلليون تەڭگەدەن استام قارجىعا دەمەۋشىلىك كورسەتىلگەن. ال, زاقىمدالعان كولىك يەلەرىنە تولەنەتىن وتەماقى كولەمى قىلمىستىق ىستەرگە قاتىستى تەرگەۋلەر اياقتالعاننان كەيىن انىقتالادى. جالپى, اقپان جانە ناۋرىز ارالىعىندا زارداپ شەككەن وتباسىلارعا 121,6 توننا كولەمدە گۋمانيتارلىق كومەك كورسەتىلگەن. ولاردىڭ ىشىندە ازىق-ت ۇلىك, ءدارى-دارمەك, ىدىس-اياق, گيگيەنالىق جانە باسقا دا قاجەتتى بۇيىمدار بار. قازىرگى ۋاقىتتا اۋدانداعى احۋال تۇراقتى.
جامبىل وبلىسى
