ايماقتار • 27 ناۋرىز، 2020

كارانتين: تۇرعىن ءۇي قۇرىلىس جيناق بانكىنىڭ 7 قادامى

168 رەتكورسەتىلدى

بۇگىن تۇرعىن ءۇي قۇرىلىس جيناق بانكى توتەنشە جاعداي رەجيمىنە بەيىمدەلگەن، ياعني ءوز كليەنتتەرى ءۇشىن قابىلدانعان 7 قادام تۋرالى تومەندەگىدەي  مالىمدەمە ءماتىنىن جاريالادى.

«كوروناۆيرۋس تارالۋىنىڭ الدىن-الۋ ماقساتىندا توتەنشە جاعدايدىڭ ەنگىزىلۋىنە بايلانىستى ورىن العان جاعدايدى ەسكەرە وتىرىپ، ءبىز بارلىق ازاماتتى وقشاۋلانۋ ەرەجەلەرىن ساقتاۋعا شاقىرامىز جانە كەلەسى حابارلايمىز:

قۇرمەتتى كليەنت!

  1. ۋاقىتشا قارجىلىق قيىندىققا ۇشىراساڭىز، تۇرعىن ءۇي قۇرىلىس جيناق بانكى سىزگە 2020 جىلعى 16 ناۋرىزدان كەيىن وتەلۋى ءتيىس تولەمدى 90 كۇنگە شەگەرۋگە مۇمكىندىك بەرەدى. شەگەرىلگەن تولەمگە نەگىزگى قارىز دا، نەسيە سىياقىسى دا كىرەدى. بۇل ءسىز جازعان ءوتىنىشتىڭ نەگىزىندە جۇزەگە اسىرىلادى. وتىنىشتە كەيىنگە شەگەرۋدىڭ نە سەبەپتى قاجەت بولعانىن كورسەتۋ كەرەك، بىراق بانك قوسىمشا راستاۋ قۇجاتتارىن تالاپ ەتپەيدى. تولەمدى كەيىنگە شەگەرۋ مۇمكىندىگى اۆتوماتتى تۇردە بەرىلەدى. الايدا ءوتىنىشتى ءدال وسى ساتتە بەرۋدىڭ قاجەتى جوق، ونى كەيىنىرەك جاسايسىز. قازىر ۇيدە وتىرعانىڭىز ءجون.
  2. تولەمدى شەگەرۋ تۋرالى ءوتىنىش توتەنشە جاعداي اياقتالعان سوڭ، ياعني 2020 جىلعى 15 ساۋىردەن باستاپ ينتەرنەت-بانكينگ ارقىلى قابىلدانادى. بارلىق ءوتىنىش ماقۇلدانادى. شەگەرۋدى 2020 جىلعى 16 ناۋرىزدان كەيىن وتەلۋى ءتيىس تولەمدەرگە قاتىستى قولدانۋعا بولادى. ونلاين-ءوتىنىش بەرۋ كەزىندە 2020 جىلدىڭ 16 ناۋرىزىنداعى جاعداي بويىنشا ۋاقتىلى وتەلمەگەن نەسيە تولەمى بولماۋى كەرەك ەكەنىن ەسكەرىڭىز. ۇيدەن شىقپاۋدى جانە ۋايىمداماۋدى وتىنەمىز، سەبەبى تولەمدى كەيىنگە شەگەرۋ نەسيە مەرزىمىن 3 ايعا ۇزارتۋ ارقىلى جۇرەدى. بۇل سىزگە اي سايىنعى تولەم كولەمىن قالىپتى دەڭگەيدە ۇستاپ قالۋعا كومەكتەسەدى.
  3. الدىن-الا جانە ارالىق زاەم الۋشىلار تۇرعىن ءۇي زاەمىنا ءوتۋ مەرزىمى شەگەرۋ ۋاقىتىنا ۇزارتىلاتىنىنا ەسكەرۋى ءتيىس.
  4. سونداي-اق ءبىز 2020 جىلعى 16 ناۋرىز بەن 16 ماۋسىم ارالىعىندا ۋاقتىلى وتەلمەگەن تولەمدەر بويىنشا ايىپپۇل جانە ءوسىمپۇل قوسپايمىز. وسى ءۇش اي ىشىندە نەگىزگى قارىز بەن سىياقىنى وزىڭىزگە ىڭعايلى ۋاقىتتا ىڭعايلى كۇنى تولىق وتەسەڭىز، تولەمدەردى كەيىنگە شەگەرۋ تۋرالى ءوتىنىش بەرمەي-اق، قولايلى نەسيە وتەۋ كەستەسىن تاڭداپ، ايدىڭ كەز كەلگەن كۇنىندە قارىزدى وتەي الاسىز. مۇنى ۇيدەن شىقپاي-اق ونلاين جاساۋعا بولادى.
  5. 2020 جىلعى 30 ناۋرىزدان باستاپ كارانتين اياقتالعانشا قازاقستان اۋماعىنداعى بارلىق فيليالدا تۇرعىن ءۇي قۇرىلىس جيناق بانكى كليەنتتەرگە قىزمەت كورسەتۋدىڭ جاڭا نۇسقاسىنا وتەدى. ءبىز بولىمشەلەردە نەسيە وتىنىشتەرىن قابىلداۋدى، پوستكرەديت جانە پوستدەپوزيت وپەراتسيالاردى ۋاقىتشا توقتاتامىز. بۇل كەزدە ءسىز بانككە كەلىپ، تەك ەكى وپەراتسيانى قولدانا الاسىز: دەپوزيتتى بولۋ/توقتاتۋ ارقىلى اقشاڭىزدى الۋ، سونداي-اق زاەمنىڭ ءبىر بولىگىن جابۋ نەمەسە ونى تولىقتاي وتەۋ. بۇل وپەراتسيالاردى پايدالانۋ ءۇشىن سىزگە بانك سايتىنداعى ونلاين-برونداۋ ارقىلى الدىن-الا جازىلۋ كەرەك. باسقا جاعدايلاردا كوروناۆيرۋستى تاراتپاۋ ماقساتىندا سىزگە قىزمەت كورسەتۋدەن باس تارتۋعا ءماجبۇر بولامىز.
  6. نوتاريۋستاردىڭ جۇمىسىنا تىيىم سالىنباسا، 27 ناۋرىز 18.00-گە دەيىن بەرىلگەن جانە ماقۇلدانعان بارلىق نەسيە ءوتىنىشى كليەنتتى تەلەفونمەن جەكە حابارلاسىپ شاقىرۋ ارقىلى بەرىلەتىن بولادى. قازىر ءبىز 1000 شاماسىنداعى نەسيە ءوتىنىشىن قاراستىرىپ جاتىرمىز، 200 ءوتىنىش بەرىلۋ كەزەڭىندە. كارانتين اياقتالعانشا ساتىپ الۋ-ساتۋ مامىلەسىن جاساسپاۋعا شاقىرامىز، الايدا اۋىرىپ قالۋ قاتەرىنەن دە جوعارى تۇرعان دۇنيەلەر بولسا، نەسيە ءوتىنىشىڭىزدى قاراستىرىپ، سوڭىنا دەيىن جۇرگىزىپ بەرەمىز.
  7. نەسيە وتەۋ جانە دەپوزيت تولىقتىرۋ سىزگە ىڭعايلى بولۋى ءۇشىن قالاداعى كارانتين رەجيمىندە اشىق تۇرعان ورىنداردا ورنالاسقان تولەم تەرمينالدارى ىستەيدى. الايدا ساۋدا-ويىن ورتالىعى مەن بازار ىزدەپ قالادا جۇرمەي، تولەمدى جسسب 24 ينتەرنەت-بانكينگى ارقىلى جۇرگىزۋگە شاقىرامىز. مۇندا ءسىز كەز كەلگەن بانكتىڭ تولەم كارتاسىن قولدانا الاسىز.

ءسىز ۇيدە قالادى دەگەن ۇمىتپەن ءبىز بانكتە جۇمىس ىستەپ جاتىرمىز.

بايلانىستىڭ ءبارىن مۇمكىندىگىنشە ونلاين رەجيمدە جۇرگىزەمىز جانە سىزدەن كليەنتتەرگە ارنالعان وسى 7 قادامدى قولداۋدى سۇرايمىز.

ءبىز بىرگەمىز، سەبەبى ءوز ءۇيىمىز تۋرالى ارمانىمىز ورتاق. ال الىنباس قامال، الەمدەگى ەڭ قاۋىپسىز ورىن – باسىمىزداعى باسپانا ەكەنى بەلگىلى».

ىزگى نيەتپەن، تۇرعىن ءۇي قۇرىلىس جيناق بانكىنىڭ باسقارما ءتورايىمى ءلاززات يبراگيموۆا

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار