ارنايى بازا تۇرعىنداردىڭ قاۋىپسىزدىگىن ساقتاۋ ماقساتىندا قۇرىلعان. الداعى كۇندەردە ماسەلە ۋشىققان جاعدايدا بارلىق مالىمەتتەر مەن دەرەكتەر وسى قۇرىلىم ارقىلى جەتكىزىلمەك. مۇنداي ورتالىقتاردى نەگىزىنەن مەكتەپتە ورنالاستىرۋعا باسىمدىق بەرىلگەن. ولاردىڭ مەكەنجايىن الەۋمەتتىك جەلىلەر ارقىلى حابارلاندىرۋ كوزدەلگەن. جەرگىلىكتى مەملەكەتتىك ورگاندار وكىلدەرى اتالعان سەكتورلار اياسىندا ءىس-قيمىل تانىتا باستادى.
بۇگىندە وبلىس ورتالىعىندا ساقتاندىرۋ شارالارى ءۇشىن قالاعا تاياۋ جانە الىس شەتەلدەردەن ۇشاق جانە تەمىرجول قاتىناستارى ارقىلى كەلگەن جولاۋشىلاردى تەستىلەۋ ءتاسىلى بويىنشا قاتاڭ باقىلاۋ مەن تەكسەرۋ جۇمىستارى جۇرگىزىلۋدە. بۇل باعىتتا مەديتسينا ماماندارى مەن وزگە دە وكىلەتتى ورگان وكىلدەرى ۋاقىتپەن ساناسپاي جۇمىس ىستەۋدە. ارينە وڭىردە كوروناۆيرۋستان ساقتانۋعا قاتىستى بارلىق ماسەلە تۇبەگەيلى شەشىمىن تاپتى دەۋگە ەرتەرەك. اتاپ ايتقاندا, قازىر مەديتسينالىق بەت-پەردە جەتىسپەيدى. وڭىردەگى كاسىپورىندار مەن شاعىن تىگىن تسەحتارى ءوز قىزمەتىن ودان ءارى شيراتا ءتۇسۋى قاجەت-اق. سونداي-اق تۇرعىنداردىڭ ايتۋىنشا, قالا ءدارىحانالارىندا دەنەنىڭ قىزۋىن تۇسىرەتىن «پاراتسەتامول» پرەپاراتى تابىلا بەرمەيدى.
سونىمەن بىرگە ورتالىق بازار مەن تەمىرجول ۆوكزالى ماڭىندا ءتيىستى سانيتارلىق نورمالار ساقتالمايتىنى ايتىلادى. بىرقاتار قوعامدىق كولىكتىڭ زارارسىزداندىرىلماعانى دا قالا تۇرعىندارىنىڭ ورىندى وكپە-رەنىشىن تۋعىزعان-دى.
– اۆتوبۋستار مەن ايالدامالاردا كۇنىنە ەكى رەت دەزينفەكتسيا جۇمىستارىن جۇرگىزۋ قولعا الىندى. سوعان سايكەس 347 اۆتوبۋس پەن 280 ايالداماعا زالالسىزداندىرۋ شارالارى جاسالدى. قالا بيۋدجەتىنەن بۇل ماقساتقا
42 ميلليون تەڭگە ءبولىندى. الداعى كەزدە قاجەتتىلىككە قاراي تاعى دا قوسىمشا قاراجات كوزدەرى قاراستىرىلماق, – دەيدى بۇل رەتتە قالا اكىمى.
اقتوبە
