قوعام • 26 ناۋرىز، 2020

الماتىدا ىندەتىنەن ارىلعان العاشقى ايەل ءوز ۇيىنە ورالدى ما؟

179 رەت كورسەتىلدى

بۇگىن كەشكى ونلاين-بريفينگتە الماتى اكىمدىگىنىڭ ءباسپاسوز ورتالىعىندا قالالىق قوعامدىق دەنساۋلىق باسقارماسى باسشىسى تىلەۋحان ابىلداەۆ مەگاپوليستەگى 26 ناۋرىزداعى سوڭعى مالىمەتتەرگە سايكەس، 40 ادامنىڭ دەرتتى بولعانىن حابارلادى.

سونداي-اق بۇگىن قالالىق جۇقپالى اۋرۋلار اۋرۋحاناسىنان COVID-19 ناۋقاسى قازاقستاندىقتار اراسىندا العاشقىلاردىڭ قاتارىندا راستالعان 1956 جىلعى ايەل ەمدەلىپ شىقتى. پاتسيەنت ەۋروپالىق ەلدەردىڭ بىرىندە ىندەت جۇقتىرعان.

العاش جازىلىپ شىققان الماتىلىق ۆيرۋسقا قارسى ەم مەن سيمپتوماتيكالىق تەراپيانىڭ تولىق كۋرسىن الدى. دەرتى سيمپتومدارسىز ءوتىپ، ۆيرۋسقا قارسى ەمدى جاقسى، بىرقالىپتى قابىلدادى. ەمدەۋ بارىسىندا اسقىنۋلار بولعان جوق. ونى ۇيگە شىعارماس بۇرىن ەكى رەت قاتارىنان اناليز جاسالىپ، ەكى رەتتە دە باقىلاۋ تالداۋى كوروناۆيرۋسقا تەرىس ناتيجە كورسەتتى، دەدى قوعامدىق دەنساۋلىق باسقارماسى باسشىسى تىلەۋحان ابىلداەۆ.

تىكەلەي ەفيردە جۇرگەن ونلاين-بريفينگ كەزىندە الماتى قالالىق قوعامدىق دەنساۋلىق باسقارماسى باسشىسىنا باق تاراپىنان قويىلعان سۇراقتار لەگى تومەندەگىدەي بولدى.

نەگە جازىلىپ شىققان پاتسيەنتتە كوروناۆيرۋستىڭ اۋرۋ بەلگىلەرى اۋىر بايقالعان جوق؟ بۇل دەنساۋلىعىنىڭ مىقتىلىعىنا بايلانىستى ما؟

دارىگەرلەر ناۋقاستاردىڭ  جاعدايىنىڭ ارتۇرلىلىگىنە قاراپ، كوروناۆيرۋس ينفەكتسياسىنا قاتىستى زەرتتەۋلەر جۇرگىزىپ وتىر ما؟

ادام اعزاسىنىڭ ىندەتپەن كۇرەسۋدەگى يممۋنيتەتى مەن جاسى ماڭىزدى ما؟ بۇل ساۋالداردىڭ جاۋابى رەسمي ناقتىلانعان جوق.

قوعامدىق دەنساۋلىق باسقارماسىنىڭ وكىلدەرى ساۋىعىپ شىققان پاتسيەنت ءالى دە ۇيىندە 14 كۇن كارانتيندە بولاتىندىعىن مالىمدەدى.

سوڭعى مالىمەتتەرگە سايكەس، دەرتى بۇگىن راستالعاندارعا كەلەتىن بولساق، 1995 جىلى تۋعان ءبىرىنءشى پاتسيەنت 21 ناۋرىزدا نيۋ-يورك–ماسكەۋ–الماتى رەيسىمەن ۇشىپ كەلگەن.

كوروناۆيرۋسى جاڭادان راستالعان كەلەسى ادامدار بۇرىن جۇقتىرعان ادامدارمەن بايلانىستا بولعاندار.

بارلىق پاتسيەنتتىڭ قازىرگى ۋاقىتتا جاي-كۇيى قاناعاتتانارلىق.

قالالىق كلينيكالىق جۇقپالى اۋرۋلار اۋرۋحانالارىندا قازىرگى ۋاقىتتا 40 پاتسيەنت بار،ونىڭ ىشىندە ەكءى بالا بار.

38 پاتسيەنتتىڭ جاي-كۇيى – قاناعاتتانارلىق، 1 بالانىڭ جاعدايى ورتاشا، بىرەۋىنىڭ جاعدايى اۋىر، ەنتىگۋىنە بايلانىستى وكپەنى جاساندى جەلدەتۋ اپپاراتىندا جاتىر.

بۇگىنگى كۇنى پروۆيزورلىق گوسپيتالداردا كارانتيندە 938 ازامات، ونىڭ ىشىندە 56 بالا بار.

كارانتيندەگى بارلىق ادامنىڭ دەنە قىزۋى قالىپتى جاعدايدا.

سوڭعى جاڭالىقتار

ۇقساس جاڭالىقتار