ايماقتار • 26 ناۋرىز، 2020

بۇگىن ىندەتى راستالعان ناۋقاستىڭ ءبىرى نيۋ-يوركتان كەلگەن

221 رەت كورسەتىلدى

بۇگىن 26  ناۋرىزدا، ساعات 18.40 كەزىندە  الماتىدا كوروناۆيرۋس ينفەكتسياسىن جۇقتىرىپ العان 40 جاعداي تىركەلدى. بۇل جونىندە الماتى اكىمدىگىنىڭ ءباسپاسوز ورتالىعىندا قوعامدىق دەنساۋلىق باسقارماسى باسشىسى تىلەۋحان ابىلداەۆ حابارلادى.

دەرتى جاڭادان انىقتالعان پاتسيەنتتەرگە كەلەتىن بولساق، 1995 جىلى تۋعان ءبىرىنشى پاتسيەنت 21 ناۋرىزدا نيۋ-يورك­–ماسكەۋ–الماتى رەيسىمەن ۇشىپ كەلگەن.

كوروناۆيرۋسى جاڭادان راستالعان كەلەسى ادامدار بۇرىن جۇقتىرعان ادامدارمەن بايلانىستا بولعاندار. بارلىق پاتسيەنتتەردە قازىرگى ۋاقىتتا جاي-كۇيى – قاناعاتتانارلىق.

قالالىق كلينيكالىق جۇقپالى اۋرۋلار اۋرۋحانالارىندا قازىرگى ۋاقىتتا 40 پاتسيەنت بار، ونىڭ ىشىندە ەكى بالا بار. 38 پاتسيەنتتىڭ جاي-كۇيى – قاناعاتتانارلىق، 1 بالانىڭ جاعدايى ورتاشا دارەجەدە، بىرەۋىندە – جاعدايى اۋىر، ەنتىگۋىنە بايلانىستى وكپەنى جاساندى جەلدەتۋ اپپاراتىندا جاتىر.

1956 جىلى تۋىلعان بۇل پاتسيەنتتىڭ جاي-كۇيى وكپەنىڭ سوزىلمالى وبسترۋكتيۆتى اۋرۋىنىڭ بولۋىمەن بايلانىستى ەكەندىگىن ەستەرىڭىزگە سالا كەتەيىك. بۇگىنگى كۇنى پروۆيزورلىق گوسپيتالداردا كارانتيندە 938 ازامات، ونىڭ ىشىندە 56 بالا بار. كارانتيندەگى بارلىق ادامنىڭ دەنە قىزۋى قالىپتى جاعدايدا.

سونداي-اق، بۇگىن، 26 ناۋرىزدا قالالىق جۇقپالى اۋرۋلار اۋرۋحاناسىنان COVID-19 راستالعان ايەل ەمدەلىپ شىعارىلدى. ول كوروناۆيرۋستىق ينفەكتسيانى جۇقتىرعانداردىڭ قازاقستاندا العاشقىلاردىڭ ءبىرى بولدى. پاتسيەنت شەت ەلدەردە – ەۋروپالىق ەلدەردىڭ بىرىندە كوروناۆيرۋستى جۇقتىرعان.

ول ۆيرۋسقا قارسى ەم مەن سيمپتوماتيكالىق تەراپيانىڭ تولىق كۋرسىن الدى. دەرتى سيمپتومدارسىز ءوتىپ، ۆيرۋسقا قارسى ەمدى ايەل جاقسى، بىرقالىپتى قابىلداعان. ەمدەۋ بارىسىندا اسقىنۋلار بولعان جوق. العاش جازىلىپ شىققان الماتىلىققا ەكى رەت قاتارىنان اناليز جاسالىپ، ەكى رەتىندە دە باقىلاۋ تالداۋى كوروناۆيرۋسقا تەرىس ناتيجە كورسەتتى.

 

الماتى

سوڭعى جاڭالىقتار

ۇقساس جاڭالىقتار