سپورت • 26 ناۋرىز، 2020

شاحماتشىلاردىڭ ۇمىتكەرلەر ءتۋرنيرى ۋاقىتشا توقتاتىلدى

9 رەتكورسەتىلدى

كەشە فيدە باسشىلارى مەن ۇيىمداستىرۋشىلار تاراپىنان شاحماتتان رەسەيدىڭ ەكاتەرينبۋرگ قالاسىندا ءوتىپ جاتقان ۇمىتكەرلەر ءتۋرنيرىن ۋاقىتشا توقتاتۋ تۋرالى شەشىم قابىلداندى. 

جۇلدە قورى 500 مىڭ ەۆرونى قۇرايتىن ايتۋلى جارىس 3 ساۋىرگە دەيىن سوزىلۋعا ءتيىس ەدى. كوروناۆيرۋسكە بايلانىستى ول ۋاقىتشا توقتاتىلدى. ەندى ەكىنشى كەزەڭنىڭ قاشان جانە قاي جەردە وتەتىنى ازىرگە بەلگىسىز. ايتۋلى تۋرنيردە توپ جارعان ويىنشى نورۆەگيانىڭ وكىلى ماگنۋس كارلسەنمەن الەم چەمپيونى اتاعى ءۇشىن شەبەرلىك بايقاسۋ مۇمكىندىگىنە يە بولادى. 

ەستەرىڭىزگە سالا كەتيىك، جەتىنشى تۋردان كەيىن قوس ويىنشى ۇزەڭگى قاعىستىرىپ كوش باسىندا كەلەدى. ولار – فرانتسيالىق ماكسيم ۆاشە-لاگراۆ پەن يان نەپومنياششي. ارقايسىسى 4،5 ۇپايدان ولجالادى. فابيانا كارۋانا (اقش)، انيش گيري (نيدەرلاند)، ۆان حاو (قىتاي) جانە الەكساندر گريششۋك (رەسەي) 3،5 ۇپايدان يەلەنىپ، ءۇشىنشى جانە بەسىنشى ورىنداردى ءوزارا بولىسۋدە. ال كوش سوڭىندا قالىپ قويعان دين ليجەن (قىتاي) مەن كيريلل الەكسەەنكونىڭ قورجىنىندا 2،5 ۇپايدان بار.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار