قوعام • 26 ناۋرىز، 2020

«استانا وپەرا» كوپ رەت قولدانۋعا بولاتىن ماسكالار تىگۋدە

11 رەتكورسەتىلدى

«استانا وپەرا» كوروناۆيرۋسپەن كۇرەس ماقساتىندا كوپ رەت قولدانۋعا بولاتىن ماسكالاردى ازىرلەۋگە كىرىستى. باسشىلىق العاشقى پارتيانى UMC كورپوراتيۆتىك قورىنىڭ ۇلتتىق بالالاردى وڭالتۋ ورتالىعىنا تاپسىرۋ تۋرالى شەشىم قابىلدادى، ول جەردە ءاربىر 25 كۇنى 300-313 بالا 230 اتا-اناسىمەن ەم قابىلداۋدا. بۇل تۋرالى تەاتردىڭ ءباسپاسوز قىزمەتى حابارلادى.

– «استانا وپەرانىڭ» تىگىن، كوستيۋمەرلىك جانە بۋتافور تسەحتارىنىڭ شەبەرلەرى قاشىقتان جۇمىس جاساۋ تارتىبىنە كوشۋىنە بايلانىستى وزدەرىنىڭ ۇيىندە جەكە تىگىن ماشينالارىمەن ماسكالار تىگۋدە. ولاردىڭ ارقايسىسىنا تەاتر قويماسىنان ماتەريالدار جەتكىزىلدى. ءبىز اق ءتۇستى ماقتا ماتانى، داكەنى پايدالانامىز، سونداي-اق اكىمشىلىك ەنى 7 سانتيمەتر رەزەڭكە ساتىپ الدى. ماسكانىڭ ولشەمى 20 ح 19 سانتيمەتر، ول ماقتا ماتانىڭ ءبىر قاباتى مەن داكەنىڭ التى قاباتىنان تۇرادى. قول جۇمىسى دا ورىن الدى – بۇرمەلەردى سالىپ، ماسكالار ۇتىكتەلدى. ماسكالاردىڭ ءبىر بولىگى مەديتسينالىق ورتالىقتارعا تابىس ەتىلۋىنە قاراماستان، الدىمىزدا اۋقىمدى جۇمىس تۇر – ەكى مىڭ مەتر ماتانى وڭدەۋ قاجەت، – دەپ اتاپ ءوتتى «استانا وپەرانىڭ» كوستيۋمدەر بويىنشا اعا تەحنولوگى جانار مومىنوۆا.

وسىلايشا، 5 ساۋىرگە دەيىن تاعى دا 2000 ماسكا تىگۋ جوسپارلانۋدا. بۇدان بولەك، دايىندالعان 200-دەن استام ماسكا تەاتردا جۇمىستارىن جالعاستىرىپ كەلە جاتقان قىزمەتكەرلەرگە تاراتىلدى، ولاردىڭ قاتارىندا سپەكتاكلدەردىڭ تىكەلەي كورسەتىلىمىن جۇزەگە اسىراتىن IT ءبولىمىنىڭ ماماندارى، سونىمەن قاتار كۇزەت قىزمەتى مەن تەاتردىڭ جەدەل شتاب قىزمەتكەرلەرى بار.

سوڭعى جاڭالىقتار

جۇمىس ساپاسىن باقىلاۋ كۇشەيەدى

ايماقتار • بۇگىن، 17:30

ۆەتەريناريا ادامزاتتى ەمدەيدى...

ايماقتار • بۇگىن، 15:55

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

ۇقساس جاڭالىقتار