كەزدەسۋدە ستارتاپتار, كومپانيالار جانە تاۋەلسىز ازىرلەۋشىلەرگە وتاندىق جي شەشىمدەرىن جاساۋعا مۇمكىندىك بەرەتىن مەملەكەتتىك قولداۋ قۇرالدارى تالقىلاندى.
جيىندا قاتىسۋشىلارعا نارىققا قولجەتىمدى ناقتى سەرۆيستەر كورسەتىلدى. «پرەزەنتاتسيا + دەمونستراتسيا» فورماتى ازىرلەۋشىلەرگە دەرەكتەر مەن ەسەپتەۋ رەسۋرستارىن جي مودەلدەرىن وقىتۋ جانە ىسكە قوسۋ ءۇشىن قالاي قولدانۋعا بولاتىنىن كورۋگە مۇمكىندىك بەردى.
تسيفرلىق دامۋدىڭ ۆيتسە-ءمينيسترى دميتري مۋن ۆەدومستۆو مەملەكەتتىك اقپاراتتىق جۇيەلەر مەن ازىرلەۋشىلەر اراسىنداعى كەدەرگىلەردى جويۋعا نازار اۋداراتىنىن اتاپ ءوتتى.
ونىڭ سوزىنشە, كومپانيالار ەندى دايىن دەرەكتەر جيناقتارىن پايدالانىپ قانا قويماي, مودەلدەردى وقىتۋعا قاجەت قوسىمشا دەرەكتەردى مينيسترلىكتەن سۇراي الادى.
ەگەر ءونىمدى ازىرلەۋ ءۇشىن ناقتى دەرەكتەر جەتكىلىكسىز بولسا, ول تۋرالى سۇرانىس قالدىرۋعا بولادى, مينيسترلىك قاجەتتى اقپاراتتى دايىنداۋعا كومەكتەسەدى.
نەگىزگى قۇرالداردىڭ ءبىرى رەتىندە, مينيسترلىك پەن «ۇات» اق بىرلەسىپ جاساعان, Ashyq Data پورتالى اتالدى. قازىرگى ۋاقىتتا پلاتفورمادا اشىق, قولجەتىمدى جىلجىمايتىن م ۇلىك اناليتيكاسىنان باستاپ, مەديتسينالىق كورسەتكىشتەرگە دەيىن 200 دەرەكتەر جيناعى ورنالاستىرىلعان.
دارىگەرلەر جي كومەگىمەن ينسۋلت پەن ونكولوگيالىق اۋرۋلاردى ەرتە انىقتاپ جاتىر
ونىڭ ىشىندە 73 داتاسەت العاش رەت جاريالاندى. دەرەكتەر اپتا سايىن جاڭارتىلىپ, تەگىن قولجەتىمدى. پورتال –دەرەكتەرى جەكە تۇلعاعا بايلانىستىرىلماعان ورتالىقتاندىرىلعان ۆيترينا, ول 120-دان استام مەملەكەتتىك بازانى بىرىكتىرەدى.
دەرەكتەرگە قوسا, ازىرلەۋشىلەرگە نەيروندىق جەلىلەردى وقىتۋ ءۇشىن ەسەپتەۋ قۋاتتارى قاجەت.
Astana Hub كومپانياسى AlemLLM پلاتفورماسىن تانىستىردى, ول كومپانيالارعا ەسەپتەۋ رەسۋرستارىنا ءوتىنىش جۇيەسى ارقىلى قول جەتكىزۋگە مۇمكىندىك بەرەدى. كەزدەسۋ بارىسىندا قاتىسۋشىلارعا پلاتفورمانى قولدانۋعا قاتىستى نۇسقاۋلىق كورسەتىلدى.
سونداي-اق, قاتىسۋشىلار جي مەملەكەتتىك سەكتوردا جانە ەكونوميكا سالالارىندا الداعى جىلدارى قالاي قولدانىلۋى مۇمكىن ەكەنىن تالقىلادى.
جاريالانعان IT-جوسپارلار مەن مەملەكەتتىك ورگانداردىڭ بيزنەس-پروتسەستەرى كومپانيالارعا قاي تسيفرلىق شەشىمدەرگە سۇرانىس بولاتىنىن الدىن الا تۇسىنۋگە مۇمكىندىك بەرەدى.
