كوللاجدى جاساعان – الماس ماناپ, «ەQ»
پرەزيدەنتتىڭ ايتۋىنشا, 7,4 ميلليون ازاماتىمىزدىڭ تۇرمىس-تىرشىلىگى, ياعني تۇرعىنداردىڭ 36 پايىزى جانە ەلىمىزدىڭ ازىق-ت ۇلىك قاۋىپسىزدىگى وسى سالانىڭ وركەندەۋىنە تىكەلەي بايلانىستى.
«سوڭعى جىلدارى بۇل سالاعا بولىنگەن قارجى كولەمى ەسەلەپ ارتتى. اتاپ ايتقاندا, بىلتىر شارۋالارعا جەڭىلدەتىلگەن نەسيە بەرۋ ءۇشىن 1 تريلليون تەڭگەدەن استام قاراجات ءبولىندى. اۋىل شارۋاشىلىعى ەڭبەككەرلەرىنە بۇرىن-سوڭدى ءدال وسىنداي وراسان زور قولداۋ كورسەتىلمەگەن. مۇنى شارۋالاردىڭ وزدەرى دە ايتىپ ءجۇر.
بىراق ءوندىرىس كولەمىن ۇلعايتۋمەن شەكتەلۋگە بولمايدى. ءبىز زامان تالابىنا ساي كەلەتىن, وزىق تەحنولوگياعا نەگىزدەلگەن اگرارلىق-يندۋستريالىق ەكونوميكا قۇرۋىمىز كەرەك. بۇل – اسا ماڭىزدى مىندەت. ونىمدەرىمىز ىشكى نارىقتىڭ سۇرانىسىن تولىق وتەپ, شەتەلگە دە تۇراقتى شىعارىلۋعا ءتيىس.
بىلتىر اۋىل شارۋاشىلىعى سالاسىندا 250 ءوندىرىس اشىلدى. سونىڭ ارقاسىندا ايماقتار تىڭ سەرپىنمەن ءوسىپ-وركەندەپ, حالىقتىڭ ءال-اۋقاتى ارتا تۇسەدى», دەدى مەملەكەت باسشىسى.
مەملەكەت باسشىسى: بيىلدان باستاپ اۋىلدىق وكرۋگتەر قوسىمشا تابىس كوزىنە يە بولماق
قاسىم-جومارت توقاەۆتىڭ سوزىنشە, مەملەكەتتىڭ جۇيەلى جۇمىسىنىڭ ناتيجەسىندە اۋىل شارۋاشىلىعى سالاسىنا الەمدەگى وزىق كومپانيالار قىزىعۋشىلىق تانىتا باستادى. مىسالى, شەتەل ينۆەستورلارىنىڭ اتسالىسۋىمەن الماتى, اقمولا, جامبىل, سولتۇستىك قازاقستان وبلىستارىندا جانە شىمكەنت قالاسىندا شيكىزاتتى تەرەڭ وڭدەيتىن جانە ازىق-ت ۇلىك شىعاراتىن ءىرى كاسىپورىندار ىسكە قوسىلادى.
«بۇل جوبالارعا 1 ميلليارد دوللاردان استام قاراجات سالىندى. وسىلايشا, ونداعان مىڭ ادام جۇمىسپەن قامتىلادى», دەدى پرەزيدەنت.
حالىقتىڭ سەنىمىن اقتاۋدان ارتىق ابىروي جوق: مەملەكەت باسشىسى ءماسليحات دەپۋتاتتارىنا نە دەدى؟
