الماتىلىقتار مەملەكەتتىك قىزمەتتەردى تەك ونلاين الىپ وتىر

ايماقتار • 26 ناۋرىز، 2020

الماتىلىقتار مەملەكەتتىك قىزمەتتەردى تەك ونلاين الىپ وتىر

كوروناۆيرۋس ينفەكتسياسىنىڭ تارالۋىن بولدىرماۋ جانە وقشاۋلاۋ شارالارىن كۇشەيتۋ ماقساتىندا كارانتين بارىسىندا ەلىمىزدەگى حالىققا قىزمەت كورسەتۋ ورتالىقتارىنىڭ جۇمىسى ۋاقىتشا توقتاتىلدى. بۇل تۋرالى مەملەكەت باسشىسى قاسىم-جومارت توقاەۆ قازاقستانداعى توتەنشە جاعداي جونىندەگى مەملەكەتتىك كوميسسيانىڭ وتىرىسىندا مالىمدەدى.

ايناش ەسالى

قازاقستاندىقتارعا بۇگىنگى تاڭدا مەملەكەتتىك قىزمەتتەردىڭ 80%-ى ەلەكتروندىق ۇكىمەت پورتالى ارقىلى قولجەتىمدى، سونداي-اق قاجەتتى انىقتامالاردى eGov Mobile ءموبيلدى قوسىمشاسى جانە تەلەگرامداعى egovkzbot2.0 بوتى ارقىلى الۋعا بولادى.

حقو-نىڭ ەڭ تاجىريبەلى دەگەن جانە ارنايى وقۋدان وتكەن 1800-دەن استام قىزمەتكەرى، ونىڭ ىشىندە الماتى فيليالىنىڭ 50 قىزمەتكەرى 1414 بايلانىس ورتالىعىنىڭ كەڭەس بەرۋشىلەرىمەن بىرگە ازاماتتارعا مەملەكەتتىك قىزمەتتەردى ونلاين تۇردە الۋ بويىنشا كومەك كورسەتەتىن بولادى.

ءبىر ۋاقىتتا بايلانىس ورتالىعىنىڭ ماماندارى مىڭنان استام ازاماتقا كەڭەس بەرە الادى دەپ جوسپارلانۋدا. بايلانىس ورتالىقتارى دۇيسەنبىدەن سەنبىگە دەيىن تاڭعى 9.00-دەن كەشكى 20.00-گە دەيىن جۇمىس ىستەيدى. قوڭىراۋ شالۋ تەگىن.

بۇدان بولەك، ازاماتتارعا ارنالعان ۇكىمەتتىڭ 200-دەن استام قىزمەتكەرى، ونىڭ ىشىندە الماتى قالاسى فيليالىنىڭ 30 مامانى بەينەقوڭىراۋ ارقىلى قىزمەت الۋشىلاردى ءموبيلدى ازاماتتار بازاسىندا تىركەيتىن بولادى.

سونىمەن قاتار، الماتى فيليالىنىڭ 50 مامانى قاشىقتىقتان جۇمىس ىستەپ، ازاماتتارعا ءموبيلدى تەلەفون ارقىلى ونلاين قىزمەت الۋعا كومەكتەسەتىن بولادى.

بۇل رەتتە، 21 ناۋرىزعا دەيىن ءوتىنىش بەرىپ ۇلگەرگەن ازاماتتار قىزمەتتەردىڭ دايىن ناتيجەسىن ءوزى ءوتىنىش بەرگەن حقو-نىڭ قۇجات بەرۋ سەكتورىنان الىپ كەتە الادى. ءاۆتوموبيلدى قايتا تىركەگەن نەمەسە جۇرگىزۋشى كۋالىگىن ونلاين تۇردە اۋىستىرعان اۆتوكولىك يەلەرى دايىن قۇجاتتار مەن نومىرلەردى ءوز قالالارىنداعى مامانداندىرىلعان حقو-دان الا الادى، وندا دا دايىن قۇجاتتاردى بەرۋ تەرەزەسى جۇمىس ىستەيتىن بولادى.

دايىن قۇجاتتاردى بەرۋ تەرەزەلەرىنىڭ جۇمىس ءتارتىبى: دۇيسەنبى-جۇما 9.00-دەن 17.00-گە دەيىن، سەنبى ساعات 9.00-دەن 14.00-گە دەيىن.

ازاماتتارعا ارنالعان ۇكىمەت قازاقستاندىقتارعا بارلىق سانيتارلىق تالاپتاردى ورىنداپ، ۇيدەن شىقپاۋعا كەڭەس بەرەدى جانە كەرەكتى مەملەكەتتىك قىزمەتتەردى ونلاين الۋعا شاقىرادى.

الماتى