قوعام • 25 ناۋرىز، 2020

الماتى: قوسىمشا شەكتەۋ شارالارىن ەنگىزۋگە ءماجبۇر

49 رەتكورسەتىلدى

بۇگىن الماتىدا پروفيلاكتيكالىق جانە ەپيدەمياعا قارسى قوسىمشا شەكتەۋ شارالارىن ەنگىزۋگە بايلانىستى كەزەكتى ونلاين-بريفينگ ءوتتى.

الماتى قالاسىنىڭ اۋماعىندا كورونوۆيرۋستىق ينفەكتسيانىڭ (COVID-19) تارالۋىن بولدىرماۋ ءۇشىن الماتى قالاسىنىڭ جەدەل شتابى قر پرەزيدەنتىنىڭ جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ كەلىسىمىمەن بيىلعى 26 ناۋرىزدان باستاپ، بۇرىن بەلگىلەنگەن شەكتەۋلەردى ساقتاي وتىرىپ، قوسىمشا شەكتەۋ شارالارىن ەنگىزۋگە شەشىم قابىلدادى. 

وسىلايشا، توتەنشە جاعداي اياسىندا، كارانتين رەجيمى كەزەڭىندە الماتى قالاسىندا اعىمداعى جىلدىڭ 26 ناۋرىزىنان باستاپ قوسا العاندا كەلەسى ساۋدا جانە قىزمەت كورسەتۋ نىساندارىنىڭ جۇمىسى توقتاتىلۋى ءتيىس:

- ازىق-ت ۇلىك ەمەس ساۋدا ورىندارى (2000 شارشى مەتردەن كەم)، جەكە تۇرعان ازىق-ت ۇلىك ەمەس دۇكەندەر، سونداي-اق اۆتوسالوندار، اۆتو قوسالقى بولشەكتەر ساتاتىن سالوندار جانە گۇل پاۆيلوندارى;

- قىزمەت كورسەتۋ سالاسىنىڭ نىساندارى: حيميالىق تازالاۋ، كىر جۋ ورىندارى، فوتواتەلە، فوتوسالوندار، وپتيكا، لومبارد، جىلجىمايتىن م ۇلىك اگەنتتىگى، كولىك جۋ، تەحنيكالىق قىزمەت كورسەتۋ ستانتسيالارى;

سونداي-اق سانيتارلىق-ەپيدەمياعا قارسى شارالاردى كۇشەيتە وتىرىپ قوعامدىق تاماقتانۋ نىساندارىندا «كليەنتتەرگە جەتكىزىپ بەرۋ» قاعيداسى (22.00-گە دەيىن) بويىنشا وسىعان دەيىن بەكىتىلگەن جۇمىس ءتارتىبى ساقتالادى.

سونىمەن بىرگە مىناداي نىساندار جابىلدى:

- ازىق-ت ۇلىك ساتپايتىن ساۋدا بازارلارى;

- ازىق-ت ۇلىك پەن ءدارى-دارمەك ساتاتىن نىسانداردى قوسپاعاندا، ءىرى ساۋدا ويىن-ساۋىق ورتالىقتارى، ساۋدا ۇيلەرى، ولاردىڭ اۋماعىندا جانە جەكە ورنالاسقان كينوتەاترلار، بالالار ورتالىقتارى، كەز كەلگەن باسقا دا ساۋىق قۇراتىن ورتالىقتار (بيليارد زالدارى، كاراوكە، بوۋلينگ ورتالىقتارى، كومپيۋتەر جانە ينتەرنەت-كلۋبتار جانە باسقالارى);

- كەيبىر قىزمەت كورسەتۋ نىساندارى: سۇلۋلىق سالونى، شاشتاراز، ماسساج كابينەتتەرى، مونشالار، ساۋنالار، سپا ورتالىقتارى، اكۆاپاركتەر، باسسەيندەر، سولياري (كۇنشۋاق)، تير اتاتىن اتىس الاڭدارى، فيتنەس-زالدار، جاتتىعۋ زالدارى، سونداي-اق، يوگامەن اينالىساتىن زالدار، سپورت كلۋبتارى جانە باسقالارى.

سونىمەن قاتار، قالادا ازىق-ت ۇلىك تاۋارلارىن، ءدارى-دارمەك پرەپاراتتارىن ساتاتىن نىساندار جانە جوعارىدا اتالعان شەكتەۋلەر قولدانىلمايتىن باسقا دا وبەكتىلەر جۇمىسىن جالعاستىرۋدا.

بۇل شارالاردىڭ بارلىعى الماتىدا قوزعالىس بەلسەندىلىگىن تومەندەتۋ ارقىلى قالا تۇرعىندارىن COVID-19 ۆيرۋسىن جۇقتىرۋدان بارىنشا قورعاۋدى كۇشەيتۋگە باعىتتالعان. سونىمەن بىرگە COVID-19 تارالۋىن بولدىرماۋ بويىنشا شەت ەلدەردەگى ءساتتى مىسالدار ەسكەرىلدى.

الماتى قالاسىنىڭ اكىمدىگى قالانىڭ بارلىق تۇرعىندارى مەن كومپانيالارىن سانيتارلىق جانە دەزينفەكتسيالىق شارالاردى ساقتاي وتىرىپ، بارىنشا وقشاۋلانۋعا جانە قاشىقتان جۇمىس ىستەۋ رەجيمىنە كوشۋگە شاقىرادى.

 

الماتى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار