قوعام • 25 ناۋرىز، 2020

الماتىدا توتەنشە جاعداي رەجيمىن بۇزعان 99 فاكت انىقتالدى

76 رەتكورسەتىلدى

الماتى قالاسىندا كارانتين جاريالانعان ساتتەن باستاپ توتەنشە جاعداي رەجيمىن بۇزۋدىڭ 99 فاكتىسى انىقتالدى. بۇل تۋرالى الماتى قالاسى اكىمدىگىنىڭ ءباسپاسوز ورتالىعىندا اكىمشىلىك پوليتسيا باسقارماسىنىڭ باسشىسى جاندوس مۇراتاليەۆ مالىمدەدى. 

 

قازىرگى كەزدە وسى فاكتى بويىنشا ۇستالعان تۇقلعالار قر اقبك 476 بابى (توتەنشە جاعداي رەجيمىن بۇزۋ) بويىنشا اكىمشىلىك جاۋاپكەرشىلىككە تارتىلعان. «ونىڭ ىشىندە 55 ادام قاماۋعا الىنىپ، 43 ادامعا 10 اەك مولشەرىندە ايىپپۇل سالىندى. 1 تۇلعاعا ەسكەرتۋ بەرىلدى»، ­­– دەدى الماتى قالاسى اكىمشىلىك پوليتسيا باسقارماسىنىڭ باسشىسى جاندوس مۇراتاليەۆ.

زاڭدى تۇلعالارعا كەلەتىن بولساق، 10 كاسىپكەرلىك نىسان يەسى اكىمشىلىك جاۋاپكەرشىلىككە تارتىلعان. مىسالى، «ARAI Cash» جشس ديرەكتورى س. ن.ابۋباكير جانە «ۆوسحود» ساۋدا ءۇيىنىڭ باسشىسى قىزمەتكە رۇقسات بەرگەنى جانە ت. ب. ءۇشىن 5 تاۋلىككە قاماۋعا الىنعان. سونىمەن بىرگە «مەچتا ماركەت» جشس ديرەكتورى ت.اليموۆ 10 تاۋلىككە قامالىپتى.

– ەگەر كاسىپكەر كارانتين رەجيمىن ءبىرىنشى رەت بۇزاتىن بولسا، اكىمشىلىك جاۋاپكەرشىلىككە تارتىلادى. ال ەگەر ول نىسان تاعى دا ءارى قاراي جۇمىسىن جالعاستىرا بەرەتىن بولسا، وندا اكىمشىلىك قاماۋعا الىنادى. سونداي-اق، ول نىساندا ادامدار ۆيرۋس جۇقتىراتىن بولسا، وندا قىلمىستىق جاۋاپكەرشىلىك قاراستىرىلعان. مۇنداي جاعدايدا 2000 اەك ايىپپۇل سالىنىپ نەمەسە 10 جىلعا باس بوستاندىعىنان ايىرىلادى، – دەدى الماتى قالاسى اكىمشىلىك پوليتسيا باسقارماسىنىڭ باسشىسى جاندوس مۇراتاليەۆ.

 

 

الماتى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار