بۇل جۇمىستارعا سۋارىپ جۋاتىن 90 كولىك, تروتۋار جينايتىن 54 ماشينا مەن 962 جول جۇمىسشىسى جۇمىلدىرىلدى. سونداي-اق قوسىمشا 112 ادام قوقىس جاشىكتەرىن, ورىندىقتار مەن ايالدامالاردى دەزينفەكتسيالاۋمەن اينالىسىپ ءجۇر.
تاڭعى 25 ناۋرىزدان باستاپ 32 بريگادا كوپپاتەرلى تۇرعىن ۇيلەردىڭ كىرەبەرىستەرىن زالالسىزداندىرۋدى باستادى. 8633 كىرەبەرىس (2868 ءۇي) پەن 1441 اۋلانى وڭدەۋ جوسپارلانعان.
تازالاۋ جۇمىستارى جۇرگىزىلمەس بۇرىن داۋىس زورايتقىش جابدىعى بار كولىكتەر ارقىلى ەسكەرتۋلەر حابارلانادى. سونداي-اق كەلەسى وڭدەۋ جۇمىستارىنىڭ كەستەسى كىرەبەرىستەرگە ىلىنەدى.
بۇدان وزگە 25 ناۋرىزدا ەسەنتاي, ۇلكەن الماتى جانە تەرەنكۋر وزەندەرىنىڭ جاعالاۋىن دەزينفەكتسيالاۋ جوسپارلانىپ وتىر.
سونىمەن قاتار, قالانىنىڭ تازارتۋ جۇمىستارىنا الماتى گارنيزونىنىڭ كۇشتەرى تارتىلدى. ولار ءبىرىنشى كەزەكتە جالپى كولەمى 60 گا. بولاتىن قالانىڭ جەتى ءىرى بازارلارىن دەزينفەكتسيالادى. بۇل جۇمىسقا 317 سارباز جۇمىلدىرىلدى. وعان قوسا 11 بىرلىك ارنايى تەحنيكا مەن وڭدەۋ جۇمىسىنا كيىلەتىن 151 كيىم جيىنتىعى بەرىلدى. 49 توننا ارنايى سۋ ەرىتىندىسى جۇمسالدى.
سونىمەن قاتار, گارنيزون قىزمەتكەرلەرى كارانتيندىك باقىلاۋدا تۇرعان 13 مەديتسينالىق ۇيىمعا سانيتارلىق وڭدەۋ جۇرگىزبەك. بۇل جۇمىسقا 320 اسكەري قىزمەتشى جۇمىلدىرىلادى.
الماتى
