قوعام • 25 ناۋرىز، 2020

كارانتيندەگى الماتى: كومەككە ءزارۋ 18 618 وتباسى بار

39 رەتكورسەتىلدى

الماتى قالاسى اكىمدىگىنىڭ ءباسپاسوز ورتالىعىندا قالا اكىمىنىڭ ورىنباسارى ساپاربەك تۇياقباەۆ، الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ، الماتى قالالىق Nur Otan پارتياسى توراعاسىنىڭ ءبىرىنشى ورىنباسارى ستانيسلاۆ كانكۋروۆ، «كازپوچتا» اق الماتى فيليالىنىڭ ديرەكتورى ءاليا سۇگىرباەۆانىڭ قاتىسۋىمەن بريفينگ ءوتتى.

بريفينگتە قالا اكىمىنىڭ ورىنباسارى ساپاربەك تۇياقباەۆ كارانتين كەزەڭىندە 18 مىڭنان استام كومەكتى قاجەت ەتەتىن وتباسى ازىق-ت ۇلىك سەبەتىمەن قامتىلاتىندىعىن اتادى.

«بۇگىن ءبىز از قامتىلعان وتباسىلاردى ازىق-ت ۇلىكپەن قامتاماسىز ەتۋ ءۇشىن قالالىق باعدارلامانى قولعا الدىق. ءبىز سونداي 18 618 وتباسىن انىقتادىق. ولاردىڭ ىشىندە 9971-ءى – از قامتىلعان وتباسىلار، 2585-ءى – جالعىز تۇراتىن زەينەتكەرلەر، 5143-ءى 1 جانە 2 توپتاعى مۇمكىندىگى شەكتەۋلى جانە مۇمكىندىگى شەكتەۋلى بالالاردى تاربيەلەپ وتىرعان 919 وتباسى بار. بۇل ءتىزىم ءالى دە جالعاسا بەرەدى. ويتكەنى قالا تۇرعىندارى كومەككە مۇقتاج ادامدار تۋرالى قوسىمشا ەسەپ بەرە الادى. بۇل ءۇشىن ارنايى جۇمىس ىستەيتىن call-ورتالىق قۇردىق.

ەگەر ءسىز كومەككە مۇقتاج ادامداردى بىلەتىن بولساڭىز، وسى ورتالىققا قوڭىراۋ شالىڭىز. اقپارات راستالعاننان كەيىن ازىق-ت ۇلىكتەر، بەتپەردەلەر مەن انتيسەپتيكتەرگە دەيىن جەتكىزىلىپ بەرىلەدى. ءبىز كۇن سايىن مىڭنان استام ازىق-ت ۇلىك سەبەتتەرىن جەتكىزۋدى جوسپارلاپ وتىرمىز. قازىرگى كەزدە ءتىزىم جاسالىپ جاتىر»، – دەدى قالا اكىمىنىڭ ورىنباسارى.

سونىمەن قاتار، ونلاين رەجيمىندە كوممەرتسيالىق ۇيىمدارمەن جۇمىس ىستەۋگە بولاتىنىن، الەۋمەتتىك جانە كوممەرتسيالىق قىزمەتتەردى جەتكىزۋدى قامتاماسىز ەتەتىن قولداۋ تەتىگى جاسالعانىن باسا ايتتى. قالا اكىمىنىڭ ورىنباسارى تۇرعىنداردىڭ مەگاپوليستەگى كارانتين ەرەجەسىن قاتاڭ ۇستانىپ، مەيلىنشە ۇيلەرىنەن شىقپاۋعا شاقىردى.

قالا اكىمدىگى Nur Otan پارتياسىمەن بىرلەسە وتىرىپ، كوپتەگەن جۇمىس اتقاردى. دەمەۋشىلىك قاراجاتتى قولدانا وتىرىپ، مەديتسينالىق جانە گيگيەنالىق قۇرالدار ساتىپ الدى. قالاداعى كاسىپكەرلەر دە شەت قالماي، «جاڭا الاتاۋ» قورىن قۇردى جانە ازىق-ت ۇلىكپەن كومەك كورسەتۋگە دايىن.

بريفينگتە Nur Otan پارتياسى الماتى قالالىق فيليال توراعاسىنىڭ ءبىرىنشى ورىنباسارى ستانيسلاۆ كانكۋروۆ پارتيانىڭ جۇمىسى تۋرالى كەڭىنەن ايتىپ ءوتتى.

«ەلباسى تاپسىرماسىنا سايكەس، نۇر-سۇلتان جانە الماتى قالالارىنا سانيتارلىق-گيگيەنالىق جيىنتىقتار ساتىپ الۋ ءۇشىن 150 ميلليون تەڭگە كولەمىندە قاراجات ءبولىندى. ءبىز «باقىتتى وتباسى»، «ارداگەرلەردى ارداقتايىق» جانە «كەدەرگىسىز كەلەشەك» جوباسى اياسىندا از قامتىلعان وتباسىلارعا كومەك كورسەتەمىز. ارنايى سانيتارلىق جيىنتىق ساتىپ الدىق. Jas Otan ەرىكتىلەرى كۇن سايىن 700 جيىنتىق تاراتادى. بۇل جۇمىس ءالى دە جالعاسا بەرەدى. سونداي-اق، مەن قالامىزدىڭ تۇرعىندارىن كارانتين كەزەڭىندە ۇيدەن شىقپاۋعا شاقىرامىن»، – دەدى س.كانكۋروۆ.

الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ ءوز سوزىندە بىلاي دەدى:

«كارانتين كەزەڭىندە قالا كاسىپكەرلەرى ەلباسىنىڭ «بiز Birgemiz!» اكتسياسىنا بەلسەنە قاتىسىپ وتىر. ەندى وعان رەسپۋبليكانىڭ ءىرى كاسىپكەرلەرى دە قوسىلدى. وتكەن اپتادا قازاقستان حالىق بانكى مەديتسينالىق ۇيىمداردى قولداۋ ءۇشىن 100 ميلليون تەڭگە بولسە، كاسىپكەر قايرات ماجىباەۆ 5000-عا جۋىق الەۋمەتتىك پاكەت ءبولدى. «Atameken» سايتىندا «جاڭا الاتاۋ» قورى تۋرالى مالىمەتتەر بار»، – دەدى ول.

ال «قازپوچتا» اق الماتى فيليالىنىڭ ديرەكتورى ءاليا سۇگىرباەۆا 70 جاستان اسقان زەينەتكەرلەرگە كارانتين كەزەڭىندە ۇيىندە وتىرىپ زەينەتاقىلارىن الۋعا بولاتىنىن جەتكىزدى.

«بۇگىنگى تاڭدا «قازپوشتا» - قازاقستان رەسپۋبليكاسىنىڭ ۇلتتىق وپەراتورى. الماتى اكىمدىگىمەن بىرگە قالا تۇرعىندارىنىڭ الەۋمەتتىك از قامتىلعان توپتارىنا قولداۋ كورسەتۋ ءۇشىن ىسكە اسىرىلىپ وتىرعان جوبا اياسىندا «قازپوچتا» اق لوگيستيكالىق جانە وسى پاكەتتەردى جەتكىزۋدەگى باستى سەرىكتەس. بۇگىنگى كۇنى فيليال بارلىق كۇش-جىگەرلەرىن اياماي تاۋلىك بويى جۇمىس ىستەيدى. ءبىزدىڭ تۇرعىنداردىڭ قاۋىپسىزدىگى ءۇشىن بايلانىسسىز جەتكىزۋدى قولعا الىپ وتىرمىز. قالا اكىمدىگىمەن بىرلەسىپ ازىرلەنىپ جاتقان تاعى ءبىر جوبا – زەينەتكەرلەردىڭ زەينەتاقىلارىن ۇيلەرىنە جەتكىزىپ بەرۋ. ءبىزدىڭ بارلىق قىزمەتكەرلەرىمىز – پوشتاشىلار مەن كۋرەرلەر بۇل ىسكە تولىقتاي دايىن»، – دەدى الياسۇگىرباەۆا.

بريفينگكە قاتىسۋشىلار تۇرعىندار تاراپىنان قويىلعان ساۋالدارعا جاۋاپ بەردى.

 

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار