Əسكەريلەر كۇندەلىكتى ونداعان نىسانداردى دەزينفەكتسيالاۋ جۇمىستارىن جۇرگىزەدى. ولاردىڭ باستى ماقساتى – كوروناۆيرۋستىڭ تارالۋىنا جول بەرمەۋ جانە قازاقستاندىقتاردىڭ دەنساۋلىق قاۋىپسىزدىگىن قامتاماسىز ەتۋ بولىپ تابىلادى.
اتالمىش دەزينفەكتسيالىق وڭدەۋلەر قالالىق سىزبادا بولىنگەن سەكتورلار بويىنشا جۇرگىزىلەدى, ادامدار كوپ جينالاتىن ورىندار مەن كوروناۆيرۋستىق ينفەكتسيانىڭ تارالۋ قاۋپى جوعارى ايماقتار زارارسىزداندىرىلادى.
سونداي-اق ماماندار مەكتەپتەردى, بالاباقشالاردى, مەديتسينالىق مەكەمەلەردى, ساۋدا ورتالىقتارىن, بازارلاردى, مەشىتتەردى, تەمىرجول ۆوكزالدارىن, عيماراتتارعا ىرگەلەس اۋماقتاردى, جاياۋ جۇرگىنشىلەر جولدارىن, قوعامدىق كولىك ايالدامالارىن, داڭعىل جولدار مەن ەسكەرتكىشكەردى دەزينفەكتسيالايدى.
اسكەري قىزمەتشىلەر ارنايى جەكە قورعانىس كيىمدەرىمەن جۇمىس ىستەيدى. وڭدەۋ ءۇشىن ارنايى جۋ قۇرالدارىن, «رۋبەج» دەزينفەكتسيالىق ەرىتىندىسى بار جەكە گازسىزداندىرۋ جيناقتارىن پايدالانادى.ەرىتىندى ادامدار مەن جانۋارلارعا قاۋىپسىز سانالادى, سونداي-اق بەس ساعاتقا دەيىن ارەكەت ەتەدى. دەزينفەكتسيالاۋ ءۇشىن قاجەتتى رەاگەنتتەر قورىن ارنايى تەحنيكا – ارس-14KZ اۆتوموبيل قۇيۋ ستانتسيالارى قامتاماسىز ەتەدى.
اسكەري قىزمەتشىلەردىڭ ايتۋىنشا, ولار ءۇشىن كارانتين اياسىندا وتكىزىلەتىن بارلىق ءىس-شارالارعا تۇرعىنداردىڭ تۇسىنىستىكپەن قاراۋى اسا ماڭىزدى. ويتكەنى, جەكە جاۋاپكەرشىلىك پەن تارتىپكە بارلىق قابىلدانعان شارالاردىڭ ناتيجەسى تاۋەلدى بولىپ سانالادى.
