ايماقتار • 24 ناۋرىز، 2020

بۇگىن: الماتىدا ىندەتتىڭ 15 وشاعى بار

320 رەتكورسەتىلدى

Cوڭعى مالىمەتتەر بويىنشا، بۇگىن كەشكە قاراي الماتىدا كوروناۆيرۋستىق ينفەكتسيانى جۇقتىرعان 29 جاعداي تىركەلدى. ونىڭ ىشىندە ەكى بالا بار.

الماتىدا ىندەتتىڭ 15 وشاعى تىركەلسە، الاتاۋ اۋدانىنداعى 2 جۇقتىرۋ وشاعى بار: زاريا-ۆوستوك ىقشاماۋدانى، سارى-وي ك-ءسى، 234 ءۇي مەن اقكەنت ىقش.، 7-دە ورنالاسقان.

 

المالى اۋدانى بويىنشا 4 وشاق. ياعني جەلتوقسان كوشەسى، 125; بايتۇرسىنوۆ كوشەسى، 78/1; جاروكوۆ كوشەسى، 16; جاروكوۆ كوشەسى، 7-دە ورنالاسقان.

 

مەدەۋ اۋدانىندا ينفەكتسيانىڭ 3 وشاعى تىركەلىپ وتىر. ولار زەنكوۆ ك-ءسى، 59; دوستىق ك-ءسى، 162; گوگول ك-ءسى، 75.

 

جەتىسۋ اۋدانىندا – 2 وشاق بار. ەڭلىكگۇل، 34ا، ۆولوچاەۆسكايا كوشەسى، 51.

 

تۇركسىب اۋدانىندا 4 وشاق تىركەلدى. التاي-1، 8; «جاس قانات» ىقشاماۋدانى، 86; مايلين كوشەسى، 77; سپاسسكايا كوشەسى، 63.

قالا بيلىگى الماتىلىقتاردى كارانتين رەجيمىن قاتاڭ ساقتاۋعا، كارانتيندىك اۋماقتا جۇرۋدەن اۋلاق بولۋعا، جەكە گيگيەنا شارالارىن ساقتاۋعا، تۋىس، دوس، ارىپتەستەرى مەن جانە ت.ب. ادامدارمەن قارىم-قاتىناستى شەكتەۋدى سۇرايدى. مۇنداعى ماقسات – ءار ادامنىڭ ءوزىن كوروناۆيرۋستىق ينفەكتسيا جۇقتىرۋدان ساقتاۋ، تۋعاندارى مەن جاقىندارى جانە اينالاسىنداعىلارعا دا جۇقتىرۋ قاۋپىن تومەندەتۋ. قالا اكىمدىگى، مەديتسينالىق جانە سانيتارلىق-ەپيدەميولوگيالىق باقىلاۋ قىزمەتتەرى تاراپىنان ىندەتتىڭ وشاق اۋماعىنان تىس جەرگە تارالىپ كەتپەۋى ءۇشىن كۇشەيتىلگەن ءىس-شارالار اتقارىلۋدا.

ءوز كەزەگىندە قالانىڭ ءاربىر تۇرعىنى قالاداعى جاعدايعا تۇسىنىستىكپەن قاراپ، جاۋاپكەرشىلىك تانىتقان كەزدە ىندەت جۇقتىرۋشى تۇلعالاردى تەز انىقتاپ، جەدەل تۇردە وقشاۋلاۋعا مۇمكىندىك بار.

كلينيكالىق سيمپتومدار پايدا بولعاندا (دەنە قىزۋىنىڭ كوتەرىلۋى، قۇرعاق ءارى ۇزاق جوتەل، السىزدىك) ۋچاسكەلىك دارىگەردى تەلەفون ارقىلى ۇيگە شاقىرۋ كەرەك نەمەسە جەدەل مەديتسينالىق جاردەم دارىگەرىن شاقىرعان ابزال.

ءوزىن-ءوزى ەمدەۋمەن اينالىسپاي، دارىگەردىڭ تاعايىنداعان دارىلەرىن قابىلداۋ  كەرەك. مىنانداي الدىن الۋ شارالارىن ساقتاۋ قاجەت:

– ءۇي-جايلاردى كۇنىنە كەمىندە 2 رەت جەلدەتۋ;

– كۇن سايىن ءۇيدى جۋىپ، تازالاۋ;

– قولدى سابىنمەن ءجيى جۋ;

– جەكە ىدىس، جەكە گيگيەنا قۇرالدارىن (سۇلگى، ءتىس پاستاسى، ۇستارا اسپاپتارى جانە ت.ب.) پايدالانۋ.

كوروناۆيرۋس جۇقتىرعاندارمەن بايلانىستا بولعان ازاماتتار تۇرعىلىقتى مەكەنىندە نەمەسە جۇمىس ورنىندا ۆيرۋس جۇقتىرۋشىمەن سوڭعى كەزدەسكەن ۋاقىتتان باستاپ ينكۋباتسيالىق كەزەڭ بويىنا (14 كۇن) ءوزىن-ءوزى وقشاۋلاۋ رەجيمىن قاتاڭ ساقتاۋ ء(ۇي كارانتينى، سىرتقا شىعۋعا تىيىم سالىنادى) قاجەت.

كەز كەلگەن سۇراقتار بويىنشا 1406 جانە Open Almaty 1308 نومىرلەرى بويىنشا تاۋلىك بويى جۇمىس ىستەيتىن call-ورتالىققا حابارلاسۋعا بولادى. كاتارالدى بەلگىلەرى بار ادامدار انىقتالعان جاعدايدا دەرەۋ قالانىڭ سانيتارلىق-ەپيدەميولوگيالىق قىزمەتىنىڭ تاۋلىك بويى جۇمىس ىستەيتىن 382-33-50 نومىرىنە حابارلاۋ كەرەك.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار