«ورتالىقتىڭ جۇمىسى ءۇش باعىت بويىنشا جۇرگىزىلەدى. ءبىرىنشى - جالعان اقپاراتتاردى تاۋىپ, تەرىسكە شىعارۋ. ەكىنشى - ورتالىق مەملەكەتتىك ورگانداردىڭ اقپاراتتىق جۇمىسىن ۇيلەستىرۋ, بولعان جاعدايلاردا بىرلەسىپ, جەدەل ارەكەت ەتۋ. ءۇشىنشى - Coronavirus2020.kz سايتىنىڭ جۇمىسىن جۇرگىزۋ», - دەدى ول.
سونداي-اق قازىر جۋرناليستەر مەن ازاماتتاردان كەلىپ ءتۇسىپ جاتقان سۇراقتاردىڭ باسىم كوپشىلىگى پرەزيدەنت قاسىم-جومارت توقاەۆتىڭ تاپسىرمالارىنىڭ ىسكە اسىرىلۋىنا قاتىستى. وسى رەتتە بۇگىن پرەمەر-ءمينيستردىڭ توراعالىعىمەن ۇكىمەتتىڭ وتىرىسى ءوتتى. بارلىق مينيسترلەر مەن اكىمدەر كەشە پرەزيدەنت بەرگەن تاپسىرمالاردى ورىنداۋ بويىنشا جول كارتالارىن جاسايدى. وسىعان وراي بارشاڭىزدان تۇسىنىستىك تانىتىپ, ۇكىمەتتىڭ ناقتى تەتىكتەرىنىڭ جاريالانۋىن كۇتۋدى سۇرادى.
