ايا-سوفيا مۋزەيىنىڭ ديرەكتورى حايرۋللا چەنگيزدىڭ ارنايى رۇقساتىمەن اكۋستيكالىق داۋىس جازباسى اۋديو جانە ۆيدەوتاسپاعا ءتۇسىرىلىپ الىندى. ء تۇسىرىلىم بارىسىندا ايا-سوفيا عيماراتىنىڭ اكۋستيكالىق جۇيەسىنىڭ ناشارلاۋىنا جول بەرمەۋى ءۇشىن قىزمەتكەرلەردىڭ عيماراتقا كىرۋىنە رۇقسات ەتىلمەدى. جالپى سەگىز كامەرا مەن دىبىس جازۋ قۇرىلعىلارى ارقىلى ءبىر ۋاقىتتا داۋىستى جازىپ الاتىن بۇل شارا, العاش رەت ايا-سوفيانىڭ دىبىستىق اكۋستيكاسىن وسىلايشا تاسپاعا ءتۇسىرىپ الىندى.
اكۋستيكالىق جازبا ءۇشىن ۇلكەن اياسوفيا مەشىتىنىڭ يمامى وندەر سوي جانە ۇلكەن ايا-سوفيا مەشىتىنىڭ ازانشىسى احمەت تورامان ايا-سوفيا كۇمبەزىنىڭ ءدال استىندا قوس داۋىستى ءارى مىنبەردە (سابا) ازان شاقىرىلدى. سونداي-اق, ميحرابتا ء«ال-فاتح» جانە «ناس» سۇرەلەرى ەشقانداي دىبىستىڭ سۇيەمەلدەۋىنسىز قاراپايىم داۋىسپەن وقىلدى. اتاپ ايتار بولساق, ايا-سوفيا مەشىتى تۇرىكتەرگە دەيىن ۆيزانتيا يمپەرياسىندا سوبور, كەيىن 500 جىل بويى (1935 جىلعا دەيىن) تۇرىكتەردىڭ ءدىني ورتالىعى قىزمەتىن اتقارعان. ول 1453 جىلى مەشىتكە اينالدىرىلعان كەيىن, عيماراتتىڭ ىشكى كورىنىسى قايتا كوركەمدەلەدى. حVI-XVIII عاسىرلاردا مەشىت مۇنارالارى مەن قوسىمشا قۇرىلىستارى سالىنادى. 1935 جىلى اتاتۇرىك ايا- سوفيانى مۋزەيگە اينالدىرعان. ءالى كۇنگە دەيىن مۋزەي قىزمەتىن اتقارىپ كەلەدى.
