پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ حاتتاماسى نەگىزىندە تاركىلەنگەن مەديتسينالىق بەتپەردەلەر دەرەۋ قالالىق قوعامدىق دەنساۋلىق باسقارماسىنا بەرىلدى.
تاركىلەنگەن 3 ملن بەتپەردە سانيتارلىق-ەپيدەميولوگيالىق شارالاردى كۇشەيتىلگەن رەجيمدە جۇزەگە اسىرىپ جاتقان قالاداعى بارلىق مەديتسينالىق ۇيىمدارعا ءبولىنىپ بەرىلەدى.
2 ميلليوننان استام مەديتسينالىق بەتپەردەلەر قالالىق قوعامدىق دەنساۋلىق باسقارماسىنىڭ مەديتسينالىق قىزمەتكەرلەرىنە بەرىلدى. بۇگىندە ولار پروۆيزورلىق ستاتسيونارلار مەن يزولياتورلاردا,سونداي-اق ءۇي ستاتسيونارىنداعى ادامدارعا مەديتسينالىق باقىلاۋ جۇرگىزۋدە.
قالعان جەكە قورعانۋ قۇرالدارى ەپيدەميولوگتارعا, تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ, ىشكى ىستەر, تج, ۇلتتىق گۆارديا جانە ت.ب. دەپارتامەنتتەردىڭ قىزمەتكەرلەرىنە ۇلەستىرىلدى.
سونىمەن قاتار, بەتپەردەلەر Open Almaty قوعامدىق قابىلداۋ بولمەسىنىڭ قىزمەتكەرلەرىنە دە تاراتىلدى. ويتكەنى ولار تاۋلىك بويى 1308 ءنومىرى بويىنشا تۇرعىندارعا بارلىق ماسەلەلەر جونىندە, سونىڭ ىشىندە كوروناۆيرۋستىق ينفەكتسيانىڭ تارالۋىنا قارسى ارەكەت بويىنشا كەڭەس بەرۋدە.
رەيدتىك ءىس-شارالار كەزىندە 16 توننا سپيرت تە تاركىلەندى. ستەريلدەۋ كەزىندە دەزينفەكتسيالاۋ قۇرالى رەتىندە پايدالانۋعا جارامدى بۇل سپيرت مەديتسينالىق ۇيىمدارعا ءبولىندى.
