«توتەنشە جاعداي ۋاقىتىندا جەكە كۋالىگى جوق قازاقستان ازاماتتارى, قازاقستان اۋماعىندا ۋاقىتشا تۇراتىن شەتەلدىكتەر, ازاماتتىعى جوق تۇلعالار اكىمشىلىك جاۋاپكەرشىلىككە تارتىلمايدى. بۇل كوروناۆيرۋس ينفەكتسياسى تارالۋىنىڭ الدىن الۋ, ياعني ازاماتتار حالىققا قىزمەت كورسەتۋ ورتالىقتارىنا كەلمەۋى ءۇشىن جاسالىپ وتىر» دەلىنگەن باتىس قازاقستان وبلىستىق پوليتسيا دەپارتامەنتى تاراتقان اقپاراتتا.
توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ شەشىمىمەن ازاماتتاردىڭ قولىنداعى جەكە باسىن كۋالاندىراتىن قۇجاتتاردىڭ كۇشى مەرزىمى وتكەنىنە قاراماستان ساقتالادى.
ياعني, قازاقستان رەسپۋبليكاسى ازاماتىنىڭ جەكە كۋالىگى مەن تولقۇجاتى, ازاماتتىعى جوق تۇلعانىڭ كۋالىگى, شەتەلدىكتىڭ ەل اۋماعىندا تۇرۋعا بەرىلگەن قۇجاتى توتەنشە جاعداي ۋاقىتىندا مەرزىمى اياقتالسا دا كۇشىن جويمايدى.
«ەستەرىڭىزدە بولسىن, بۇل شارا قازاقستان رەسپۋبليكاسى اۋماعىندا ەنگىزىلگەن توتەنشە جاعدايعا بايلانىستى ۋاقىتشا جاسالىپ وتىر» دەلىنگەن ءباسپاسوز پاراعىندا.
باتىس قازاقستان
