بۇگىن الماتىدا COVID-2019 جۇقتىرعان 23-ءشى جاعداي انىقتالدى. بۇل 15 ناۋرىز كۇنى ىستامبۇل-الماتى رەيسىمەن ۇشىپ كەلگەن, ۆيرۋسى بۇعان دەيىن راستالعان اداممەن بايلانىستا بولعان ايەل.
وسىعان بايلانىستى, ول قالالىق كلينيكالىق جۇقپالى اۋرۋلار اۋرۋحاناسىندا كارانتيندە بولعان. بۇدان باسقا, ول كىسىدە جرۆي-عا ۇقساس, كاتارالدى سيمپتومدار بولعان. قازىر پاتسيەنتتىڭ جاي-كۇيى – بىرقالىپتى.
بۇگىن كوروناۆيرۋس دياگنوزى انىقتالعان قالالىق كلينيكالىق جۇقپالى اۋرۋلار اۋرۋحاناسىندا 20 پاتسيەنت جانە بالالار جۇقپالى اۋرۋلار اۋرۋحاناسىندا 2 بالا جانە 1 انا بار. قازىرگى كۇنى ەكى بالانىڭ جاي-كۇيى – وڭ ديناميكامەن جاقسارۋمەن, ورتاشا اۋىر, قالعان ناۋقاستاردا – قاناعاتتانارلىق.
22 ناۋرىز كۇنى كۇنى 4 پروۆيزورلىق گوسپيتالدا 631 ادام, 1243 ادام ءۇي كارانتينىندە جاتىر. كارانتيندەگى بارلىق ادامنىڭ دەنەقىزۋى بىرقالىپتى, كاتارالدىق قۇبىلىستار جوق.
كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن مىنا نۇسقاۋلاردى مۇلتىكسىز ورىنداۋ قاجەت:
- قولدى ءجيى جۋىپ, انتيسەپتيكتەردى قولدانعان ءجون. قولدى سابىنمەن ءاربىر جارتى ساعات بويىنا 20 سەكۋند بويى جۋ كەرەك. ەگەر جاقىن ماڭدا قول جۋاتىن ورىن, سابىن بولماسا, وندا ميكروبتاردى كادىمگى انتيسەپتيكپەن جويۋعا بولادى;
- بولمەنى ءجيى جەلدەتۋ قاجەت;
- قوعامدىق ورىنداردان اۋلاق بولعان ءجون;
- قول الىسۋعا جانە باسقا دا جاقىن بايلانىس جاساۋعا بولمايدى;
- يممۋنيتەتتى كۇشەيتۋ قاجەت;
- سۇيىق تيۋ جانە تۇماۋ اۋرۋلارىنىڭ بەلگىلەرى (سيمپتومدارى) بايقالسا, ءوزىن جايسىز سەزىنسە, قۇرعاق جوتەل بولسا, وندا بىردەن ەمحانادان دارىگەردى نەمەسە جەدەل جاردەمدى شاقىرۋ قاجەت ءارى ماسكا كيگەن ءجون.
انىقتاما ءۇشىن 1406 ءنومىرى بويىنشا سall-ورتالىق تاۋلىك بويى جۇمىس ىستەيدى.
الماتى
