«الماتىدا كوروناۆيرۋستىڭ تارالۋىن مۇمكىندىگىنشە تەزىرەك توقتاتۋ ءۇشىن قاتاڭ شەكتەۋ شارالارىنىڭ قاجەتتىگى تۋىندادى. ساۋدا ورتالىقتارىنىڭ, كيىم-كەشەك بازارلاردىڭ, مەكتەپتەر مەن بالاباقشالاردىڭ, كافەلەردىڭ, ءتۇرلى سالونداردىڭ جانە باسقا دا قىزمەت كورسەتۋ سالاسىنداعى كاسىپورىنداردىڭ جۇمىسىن ۋاقىتشا توقتاتۋعا تۋرا كەلدى. ءبىراز جۇرت اقىسىز ەڭبەك دەمالىسىنا كەتۋگە, ەندى ءبىرى قىسقارتۋعا ىلىكتى. بۇل جاعداي از قامتىلعان جانە جۇمىسسىز جۇرگەن جاندارعا اۋىر ءتيدى.
قيىن جاعدايعا تاپ بولعان الماتىلىقتاردى قولداۋ ءۇشىن مونوپوليستەرمەن ليفت پەن قوقىستى شىعارۋدى قوسا العاندا, بارلىق كوممۋنالدىق قىزمەتتەر بويىنشا تولەمدەردى كەيىنگە قالدىرۋ تۋرالى كەلىسىمگە كەلدىك. ناۋرىز جانە ءساۋىر ايلارىنا كەلگەن تۇبىرتەكتەردى جىل سوڭىنا دەيىن تولەۋگە بولادى. بۇل رەتتە كەشىكتىرگەنى ءۇشىن وسىماقى مەن ايىپپۇل ەسەپتەلمەيدى. سونداي-اق, كارانتين كەزىندە قىزمەت كورسەتۋشىلەر ەلەكتر, سۋ, جىلۋ, گاز جانە تەلەفون بايلانىسىندا قارىزى بار تۇتىنۋشىلاردى اجىراتپايدى», دەيدى مەگاپوليس باسشىسى.
دەمەك, جىل سوڭىنا دەيىن كوممۋنالدىق قىزمەتتەرگە قارىزى بار تۇرعىنداردىڭ ەلەكتر جارىعى, سۋى, جىلۋى مەن گازى, ءليفتىسى اجىراتىلمايدى. سونىمەن بىرگە اقىسى تولەنبەگەن تەلەفون بايلانىسى دا وشپەيدى.
ءدال وسى ساتتەردە الماتى اكىمىنىڭ كارانتين كەزەڭىندەگى كوممۋنالدىق قىزمەتتەر ءۇشىن تولەمدەردى كەيىنگە قالدىرۋ جونىندەگى باستاماسىنا بايلانىستى «الماتىەنەرگوسبىت» جشس ديرەكتورى ورىنباسارى ولگا انتونوۆا, «الماتىتەلەكوم» ءوتد ۆ2س كوممەرتسيالىق ديرەكتورى نايلا ابديلداەۆا بريفينگ وتكىزىپ, جۋرناليستەردىڭ ساۋالدارىنا جاۋاپ بەردى.
الماتى
