توتەنشە جاعداي سالدارىنان كوممۋنالدىق قىزمەت اقىسىن تولەي الماي وتىرعان الماتى تۇرعىندارىنا بورىشتارىن جىل سوڭىنا دەيىن وتەۋگە مۇمكىندىك بەرىلدى. مۇنداي مۇمكىندىك كوروناۆيرۋس ىندەتىنە بايلانىستى جاريالانعان كارانتينگە وراي, كوممۋنالدىق قىزمەتتەردى ۋاقىتىندا تولەۋگە مۇمكىندىگى جوق قالا تۇرعىندارى ءۇشىن جاسالىپ وتىر.
بۇگىنگى كۇننەن باستاپ كارانتيندىك جاعدايعا بايلانىستى قيىن ماتەريالدىق جاعدايعا تاپ بولعان تۇتىنۋشى تەلەفون ارقىلى نەمەسە ەلەكتروندىق سايتتار ارقىلى قىزمەت كورسەتۋشىنىڭ ەسەپ ايىرىسۋ بولىمىنە حابارلاسىپ, جىلدىڭ ناۋرىز جانە ءساۋىر ايلارى ءۇشىن تولەمدەردىڭ مەرزىمىن ۇزارتا الادى.
تولەمدەر بويىنشا كەيىنگە قالدىرۋ تەك جەكە تۇلعالارعا سۋمەن جابدىقتاۋ جانە كارىز جۇيەسى ءۇشىن («الماتى سۋ» مكك), جىلىتۋ جانە ىستىق سۋمەن جابدىقتاۋ («الماتى جىلۋ جەلىلەرى» جشس), ەلەكتر ەنەرگياسى («الماتىەنەرگوسبىت» جشس), گازبەن جابدىقتاۋ («قازترانسگاز ايماق» اق الماتى وندىرىستىك فيليالى), تەلەفون بايلانىسى («الماتىتەلەكوم» اتد) قىزمەتتەرى بويىنشا بەرىلەدى.
ياعني, كارانتين كەزىندە كوممۋنالدىق قىزمەتتەرگە قارىزى بار تۇرعىنداردىڭ ەلەكتر جارىعى, سۋى, جىلۋى مەن گازى اجىراتىلمايدى. سونىمەن بىرگە اقىسى تولەنبەگەن تەلەفون بايلانىسى دا وشپەيدى.
سونداي-اق جەكە تۇلعالار كوممۋنالدىق قىزمەت اقىسىن ۋاقىتىلى تولەمەگەنى ءۇشىن ايىپپۇلدار سالىنبايدى.
تولەمدەردى كەيىنگە قالدىرۋدى راسىمدەۋ ءۇشىن كاسىپورىنداردىڭ call-ورتالىقتارىنىڭ مىنا نومىرلەرىنە حابارلاسۋعا بولادى:
«التس»: +7 (727) 341-07-77, info@alts.kz
- +7 (701) 098-45-05, ortalyc@alts.kz – «ورتالىق» كقكو (المالى جانە بوستاندىق اۋداندارىنىڭ تۇرعىندارى ءۇشىن);
- +7 (708) 249-87-79, batys@alts.kz – «باتىس» كق (الاتاۋ, اۋەزوۆ جانە ناۋرىزباي اۋداندارىنىڭ تۇرعىندارى ءۇشىن);
- +7 (777) 969-84-46, shygis@alts.kz – «شىعىس» كق (جەتىسۋ, مەدەۋ جانە تۇركىسىب اۋداندارىنىڭ تۇرعىندارى ءۇشىن);
«الماتى سۋ»: +7 (727) 3-777-444, almatysu.kz جانە as-portal.kz;
«الماتىەنەرگوسبىت»: +7(727) 356-99-99, 399-99-00, esalmaty.kz
«قازترانسگاز»: +7 (727) 244-55-33, ktga.kz;
«الماتىتەلەكوم»: 160, +7 708 000-01-60, telecom.kz;
ء تارتىپ اق: 7 (727) 344-19-19, +7 (727) 393-08-05, +7 (727) 393-08-03, tartyp.kz;
«الماتى ليفت»: +7(727) 390-28-19.
الماتى
