كروسس پلاتفورمالى VLIFE جوباسىن باعدارلاماشىلار الماتى اكىمدىگىنىڭ, «مەديكەر الاتاۋ» مەديتسينالىق كومپانياسىنىڭ قولداۋىمەن قۇرىپ جانە حالىققا تەگىن پايدالانۋعا بەرىلەدى.
Covid19live.kz قازاقستاندا كوروناۆيرۋستىڭ تارالۋىن ناقتى ۋاقىت رەجيمىندە باقىلاۋعا, ال ەڭ باستىسى – جۇقتىرۋ نەمەسە جۇقتىرعاندارمەن بايلانىس تۋرالى حابارلاۋعا مۇمكىندىك بەرەدى.
بۇل قىزمەتتى كەز كەلگەن پايدالانۋشى قازاق جانە ورىس تىلدەرىندە قولدانا الادى. ەكى كۇن ىشىندە قولجەتىمدى بولاتىن قىزمەت ءتۇرىن Android جانە iOS باعدارلامالارىنان جۇكتەپ الۋعا بولادى. تومەندەگى مەكەن-جاي بويىنشا covid19live.kz قىزمەتىنىڭ ۆەب-نۇسقاسى قول جەتىمدى.
بولىمدەر Covid19live.kz:
– قازاقستان بويىنشا كوروناۆيرۋستى تاراتۋدىڭ ونلاين-كارتاسى;
– ۆيرۋس, ونى بەرۋ جانە قورعاۋ تاسىلدەرى تۋرالى وزەكتى جاڭالىقتار مەن ماڭىزدى اقپارات;
– جەدەل ورتالىقتاردىڭ بايلانىستارى مەن اۋرۋحانالاردىڭ مەكەن-جايلارىمەن بىرىڭعاي تەرەزە سىڭدى مۇمكىندىكتەردى ۇسىنادى.
سونداي-اق حالىقپەن كەرى بايلانىس ءۇشىن ەكى ماڭىزدى فۋنكتسيانى قامتيدى:
- «مەن جۇقتىردىم»: COVID-19 تابىلعان پايدالانۋشى بايلانىستا بولعان جانە جۇقتىرۋى ىقتيمال ادامداردى, سونداي-اق جۇقتىرعان بولا وتىرىپ, كەلگەن ورىنداردى اتاپ وتە الادى;
- «مەن جۇقتىرعاندارمەن بايلانىستا بولدىم»: ەگەر جۇقتىرعاندارمەن بىردەي رەيسپەن ۇشىپ كەلسە نەمەسە ونىڭ قارىم-قاتىناس شەڭبەرىنەن بىرەۋ جۇقتىرعانىنا سەنىمدى بولسا, پايدالانۋشى پىكىر قالدىرا الادى .
ايتا كەتۋ كەرەك, وسى فۋنكتسيالاردىڭ كومەگىمەن الىنعان مالىمەتتەر كوپشىلىكتەن قۇپيا ساقتالادى. تەك قانا دەنساۋلىق ساقتاۋ ورگاندارىنىڭ قىزمەتكەرلەرىنە عانا قولجەتىمدى.
الىنعان اقپاراتتى پايدالانا وتىرىپ, ماماندار كوروناۆيرۋس جۇقتىرۋى مۇمكىن ادامداردى جىلدام سايكەستەندىرە الادى. سونىمەن قاتار كارتادا جۇقتىرۋ وشاعىن بەلگىلەي الادى. وسى ارقىلى ادامداردى ۆيرۋس بولۋى مۇمكىن ورىنداردا بولدىرماۋ مۇمكىندىگىنە يە بولماق.
ازىرلەۋشىلەردىڭ ايتۋىنشا, سەرۆيستىڭ باستى ماقساتى كوروناۆيرۋس تۋرالى جەدەل حابار بەرۋ جانە ۆيرۋستىڭ تارالۋىن تەجەۋ.
قوسىمشانى جاساۋشىلار بارلىق قولدانۋشىنى الەۋمەتتىك جاۋاپكەرشىلىككە شاقىرادى جانە سەرۆيستى COVID-19 تاراتۋ مونيتورينگى ءۇشىن عانا ەمەس, سونىمەن قاتار قۇزىرەتتى ورگانداردى ۋاقتىلى حاباردار ەتۋ ءۇشىن دە بەلسەندى پايدالانۋدى سۇرايدى.
الماتى
