سوڭعى اپتا ىشىندە جولاۋشىلار اعىمى 64%-عا تومەندەدى. الايدا الماتىلىقتاردى ەركىن تاسىمالداۋ ءۇشىن اۆتوبۋستار جوسپارلى تۇردە 95% جولعا شىعىپ ءجۇر.
قالا ارالىق جانە قالا ماڭى مارشرۋتتارى كارانتين كەزىنە جۇمىستارىن ۋاقىتشا توقتاتتى.
اقپارات ءۇشىن: شىعىس قازاقستان, تۇركىستان, قىزىلوردا, سولتۇستىك قازاقستان جانە الماتى وبلىسى باعىتتارىنداعى 49 قالا ارالىق مارشرۋت, سونداي-اق قالا ماڭىنان قاتىنايتىن 63 تۇراقتى قالا جانە قالا ماڭى مارشرۋتى ۋاقىتشا توقتاتىلدى (759 اۆتوبۋس). قازىرگى رەجيمگە سايكەس قالا سىرتىمەن وتەتىن 6 تۇراقتى قالا مارشرۋتىنىڭ سىزبالارىنا وزگەرىس ەنگىزىلدى (14, 16, 52, 115, 124,125, 208).
اۆتوبۋستاردى دەزينفەكتسيالاۋ ءۇشىن سانيتارلىق وڭدەۋمەن اينالىساتىن ەكى كومپانيامەن كەلىسىم جاسالدى. ولار بارلىق اۆتوپاركتەردەگى اۆتوبۋستاردى تۇنگى ۋاقىتتا دەزينفەكتسيالاۋمەن اينالىسادى. كۇندىز سوڭعى ايالدامالاردا جىلجىمالى سانيتارلىق وڭدەۋ بەكەتتەرى جۇمىس ىستەپ تۇر.
مەتروپوليتەن جۇمىسى بويىنشا, قازىرگى كەزدە جولاۋشىلار اعىمى 70%-عا تومەندەدى. الايدا مەترو جۇمىسى شتاتتىق رەجيمدە جالعاسۋدا. دەپولاردا ۆاگوندار تولىق دەزينفەكتسيالانادى.
