«شىندىعىندا, كەلەسى فاكتىلەر ورىن الدى: ءبىرىنشى جاعدايدا – گوگول مەن مۇراتباەۆ كوشەلەرىنىڭ قيىلىسىندا جاياۋ جۇرگىنشىنى باسىپ كەتتى. ايەلدى تروللەيبۋس قاعىپ كەتتى, ول دەنە جاراقاتتارىن الدى, ءىس بويىنشا تەرگەۋ باستالدى, ساراپتاما تاعايىندالدى. ەكىنشى ەپيزودتا – «102» نومىرىنە ماس ادام جولدىڭ بويىندا جاتقاندىعى تۋرالى قوڭىراۋ كەلىپ ءتۇستى. ۋچاسكەلىك ينسپەكتور اقپاراتتى راستادى, ەر ادامعا العاشقى مەديتسينالىق كومەك كورسەتىلدى. ءۇشىنشى جاعدايدا – اۆتوبۋستاردىڭ ءبىرىنىڭ جولاۋشىسىنىڭ جاعدايى كۇرت ناشارلادى (ەپيلەپسيالىق تالۋ), ونى كوشەگە شىعارىپ, «جەدەل جاردەم» شاقىرىلدى. سوندىقتان, قالادا ادامدار كوپتەپ ەسىنەن تانىپ جاتىر دەگەن اقپارات جالعان بولىپ تابىلادى», – دەدى الماتى قالالىق پوليتسيا دەپارتامەنتى.
سونىمەن بىرگە, پوليتسيا بىلە تۇرا جالعان اقپارات تاراتقانى ءۇشىن قىلمىستىق جاۋاپكەرشىلىك تۋرالى ەسكە سالىپ, توتەنشە جاعداي كەزىندە بۇل ارەكەتتەر ءۇش جىلدان جەتى جىلعا دەيىنگى مەرزىمگە شەكتەۋگە نەمەسە باس بوستاندىعىنان ايىرۋعا اكەپ سوقتىراتىنىن اتادى.
ء«بىز ازاماتتاردى جالعان, راستالماعان اقپاراتتى شىندىق رەتىندە بەرە وتىرىپ, قوعامداعى نەگىزسىز دۇربەلەڭنەن اۋلاق بولۋعا شاقىرامىز. بۇل قىلمىس جانە سول ءۇشىن جازاعا تارتىلادى. ادەتتە, اقپارات كوزى بەلگىلى ەمەس اقپاراتقا ۇلكەن كۇمانمەن قاراۋ كەرەك. ءبىز ونى قايتالاماۋلارىڭىزدى سۇرايمىز», – دەپ قورىتىندىلادى پوليتسيا.
الماتى
