پرەزيدەنت • 19 ناۋرىز، 2020

قاسىم-جومارت توقاەۆ نۇر-سۇلتان قالاسىنىڭ كىرەبەرىسىنە قويىلعان باقىلاۋ-وتكىزۋ بەكەتىنە باردى

204 رەتكورسەتىلدى

مەملەكەت باسشىسى كوروناۆيرۋس پاندەمياسىنىڭ تارالۋىنا بايلانىستى ەلىمىزدە توتەنشە جاعداي جاريالانىپ، ەلوردادا كارانتين  ەنگىزىلگەننەن كەيىن جىبەك جولى اۋىلى ماڭىنا قويىلعان №6 باقىلاۋ-وتكىزۋ بەكەتىنە بارىپ، جۇمىسىمەن تانىستى. بۇل تۋرالى اقوردانىڭ ءباسپاسوز قىزمەتى حابارلادى.

قازاقستان پرەزيدەنتى كارانتين رەجيمىن قامتاماسىز ەتەتىن قالا اكىمدىگىنىڭ، دەنساۋلىق ساقتاۋ، ىشكى ىستەر ورگاندارىنىڭ، قورعانىس مينيسترلىگى مەن ۇلتتىق گۆارديانىڭ اسكەري قىزمەتشىلەرىنىڭ دايىندىعىنا وڭ باعا بەردى.

قاسىم-جومارت توقاەۆ ەلوردا اكىمىنىڭ، دەنساۋلىق ساقتاۋ، ىشكى ىستەر، قورعانىس مينيسترلەرىنىڭ كوروناۆيرۋس ىندەتىنە قارسى كۇرەسۋ ءۇشىن قابىلداعان شارالارى جايىنداعى ەسەپتەرىن تىڭدادى.

ەلىمىزدەگى مەديتسينا قىزمەتكەرلەرىنىڭ پاندەمياعا قارسى كۇرەستەگى اۋىر ەڭبەگىن اتاپ وتكەن مەملەكەت باسشىسى، ولارعا ريزاشىلىعىن ءبىلدىرىپ، ەڭبەكاقىلارى مەن سىياقىلارىن ۋاقىتىلى ءارى تولىق كولەمدە بەرۋدىڭ ماڭىزدى ەكەنىن اتاپ ءوتتى.

پرەزيدەنت قاسىم-جومارت توقاەۆ پرەمەر-مينيستر اسقار مامينگە  اسا قولايسىز الەمدىك كونيۋكتۋرا جاعدايىندا ەكونوميكانى باسقارۋدىڭ جاڭا ادىستەرىن ازىرلەۋ قاجەتتىگىن ايتتى.

– كەز كەلگەن قولايسىز جاعدايعا، ءتىپتى اسا كۇردەلى احۋالعا، سونداي-اق، ەكونوميكانى موبيليزاتسيالايتىن قادامعا دا ءازىر بولۋىمىز كەرەك. قىسقاسى، ساقاداي ساي بولعان ءجون، – دەدى قاسىم-جومارت توقاەۆ.

مەملەكەت باسشىسى قورعانىس مينيسترلىگىنىڭ اسكەري قىزمەتشىلەرىنە، ىشكى ىستەر مينيسترلىگى مەن باسقا دا ۆەدومستۆو قىزمەتكەرلەرىنە تابىس تىلەپ، كارانتين ەنگىزۋدىڭ سەبەپتەرىن ءتۇسىندىردى.

– قازىرگى جاعدايدا كارانتين ەنگىزبەسە بولمايدى. الەمدە نە بولىپ جاتقانىن كورىپ وتىرسىزدار. مۇنداي كەزدە ناقتى ارەكەت جاساپ، ۇيىمشىلدىق تانىتۋ كەرەك. سوندىقتان كارانتين ەنگىزۋ سياقتى تاسىلدەردى قولدانۋعا تۋرا كەلەدى. ازاماتتارىمىز قابىلدانعان شارالارعا تۇسىنىستىكپەن قارايدى دەپ ويلايمىن. مۇنىڭ ءبارى حالقىمىزدىڭ دەنساۋلىعىن ساقتاۋ ءۇشىن ىستەلىپ وتىر، – دەدى مەملەكەت باسشىسى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار