قوعام • 19 ناۋرىز، 2020

«Nur Otan» پارتياسى ىندەتتى اۋىزدىقتاۋعا ۇلەس قوسۋدا

96 رەتكورسەتىلدى

بۇگىن الماتى اكىمدىگىنىڭ ءباسپاسوز ورتالىعىندا وتكەن ونلاين-بريفينگتە «Nur Otan» پارتياسى الماتى قالالىق فيليالى توراعاسىنىڭ ءبىرىنشى ورىنباسارى ستانيسلاۆ كانكۋروۆ COVID-19 ىندەتىنىڭ تارالۋىنا قارسى ءىس-قيمىلدا Nur Otan پارتياسىنىڭ قوسقان ۇلەسى تۋرالى باياندادى.

«وزدەرىڭىز بىلەتىندەي، مەملەكەت باسشىسى قاسىم-جومارت توقاەۆ كوروناۆيرۋستىڭ عالامدىق پاندەميا رەتىندە تىركەلۋىنە بايلانىستى ەلدە توتەنشە جاعداي جاريالاعانى بەلگىلى. الماتى قالاسى اكىمىنىڭ قاۋلىسى بويىنشا قالادا دا كارانتين ەنگىزىلدى. قالا اكىمدىگى حالىقتىڭ ءومىرى مەن دەنساۋلىعىن قورعاۋ ماقساتىندا بارلىق رەسۋرستاردى جۇمىلدىرعانىن بىلەمىز، – دەگەن س.كانكۋروۆ، «Nur Otan» پارتياسىنىڭ بارلىق قيىندىقتار مەن سىناقتاردى حالىقپەن بىرگە جەڭەتىنىن مالىمدەدى.

«ەلباسى، «Nur Otan» پارتياسىنىڭ توراعاسى نۇرسۇلتان نازارباەۆتىڭ تاپسىرماسى بويىنشا، «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا كارانتين جاريالانعان نۇر-سۇلتان مەن الماتى قالالارىنداعى جالعىز باستى قارتتارعا، مۇگەدەكتەر مەن تۇرمىسى تومەن كوپبالالى وتباسىلارعا اتاۋلى كومەك كورسەتۋ ءۇشىن 150 ملن. تەڭگە باعىتتالدى، – دەپ جالعاستىردى ءسوزىن س.كانكۋروۆ.

«سونىمەن قاتار پارتيانىڭ ورتالىق اپپاراتى مەن فيليالدارىنىڭ قىزمەتكەرلەرى وسى قاجەتتىلىكتەرگە وزدەرىنىڭ ءبىر كۇندىك جالاقىلارىن اۋدارۋ تۋرالى شەشىم قابىلدادى، – دەپ  جالعاستىردى ءسوزىن «Nur Otan» پارتياسى توراعاسىنىڭ ءبىرىنشى ورىنباسارى.

س.كانكۋروۆ قالا اكىمدىگىنىڭ قولداۋىمەن «Nur Otan» پارتياسىنىڭ الماتى قالالىق فيليالى «جاڭا الاتاۋ» قورىمەن بىرلەسىپ، ارنايى شوت اشىلعانىن حابارلادى. بۇل شوتقا تۋىنداعان جاعدايعا بەي-جاي قاراي المايتىن بارلىق قاراپايىم ازاماتتار دا قاراجات اۋدارا الادى.

بۇل قاراجاتقا مەديتسينالىق بەتپەردەلەر، انتيسەپتيكالىق قۇرالدار مەن ءبىرىنشى كەزەكتە قاجەتتى تاۋارلار ساتىپ الىنىپ، ولاردى پارتيالىقتار مەن «Jas Otan»-نىڭ ەرىكتىلەرى حالىقتىڭ تۇرمىسى تومەن الەۋمەتتىك توبىنا، اتاپ ايتقاندا،  ارداگەرلەر، مۇگەدەكتەر جانە از قامتىلعان كوپبالالى وتباسىلارعا ۇلەستىرىلىپ بەرىلمەك.

 

 

الماتى

سوڭعى جاڭالىقتار

ۇقساس جاڭالىقتار