ەكونوميكا • 18 ناۋرىز، 2020

Brent ماركالى مۇناي باعاسى باررەلىنە 28 دوللاردان تومەندەدى

177 رەتكورسەتىلدى

بۇگىن  نۇر-سۇلتان قالاسى بويىنشا ساعات 16:47-دە مۇناي باعاسى باررەلىنە 27،74 دوللاردى ارزاندادى. ءبىر اپتانىڭ ىشىندە باعا 17% -عا، جىل باسىنان باستاپ شامامەن 60% -عا  دەيىن قۇلدىراپ كەتتى.

Goldman Sachs بولجامىنا سايكەس، پاندەمياعا بايلانىستى سۇرانىستىڭ تومەندەۋى بۇرىنعىدان دا وتكىر بولىپ وتىر. ساراپشىلار Brent ماركالى مۇناي باعاسىنىڭ 2020 جىلدىڭ ەكىنشى توقسانىندا ءبىر باررەلى ءۇشىن 20 دوللارعا دەيىن تۇسەدى دەپ بولجايدى. بۇل 2002 جىلدان بەرگى ەڭ تومەن كورسەتكىش.

ناۋرىز ايىنىڭ سوڭىنا قاراي سۇرانىس تاۋلىگىنە 8 ميلليون باررەلگە ازايادى دەپ كۇتىلۋدە. جىل سايىنعى تومەندەۋ تاۋلىگىنە 1،1 ميلليون باررەل بولادى.

ەسكە سالايىق، 16 ناۋرىزدا Brent باررەلى 30 دوللاردان تومەندەدى.

بۇگىنگى مالىمەت بويىنشا قازاقستاندىق بيۋدجەتتىڭ تاپشىلىعى 1،2% قۇرايدى.

مۇناي سالاسىنا قىزمەت كورسەتەتىن كومپانيالار وداعى پرەزيديۋمىنىڭ توراعاسى راشيد جاقسىلىقوۆتىڭ ايتۋىنشا، بۇگىندە مۇناي نارىعىندا قۇبىلمالى جاعداي بايقالادى. كوروناۆيرۋستىق ىندەت كومىرسۋتەك شيكىزاتىن الەمدەگى ەڭ ءىرى تۇتىنۋشىلاردىڭ ءبىرى – قىتايدان مۇنايعا سۇرانىستىڭ كۇرت تومەندەۋىنە الىپ كەلدى.

سوڭعى ەكى جىلدا مۇناي بيۋدجەتكە 1 تريلليون تەڭگەدەن استام قاراجات بەردى.

«مۇناي باعاسى 25 دوللارعا تۇسكەن كەزدە ەكسپورتتىق كەدەندىك باج نولگە جەتەدى جانە تۇسەتىن ءتۇسىم مۇناي كومپانيالارى ء ۇشىن نولگە تەڭ بولادى. قازىر قارا التىننىڭ قازىرگى باعالارى جاعدايىندا قازاقستانداعى بيۋدجەت تاپشىلىعى ءىجو-ءنىڭ 1،2% -نا جەتۋى مۇمكىن، ال مۇناي مەن گاز ەكسپورتىنان قازىنالىق ءتۇسىم ءۇش ەسە ازايادى»  دەدى راشيد جاقسىلىقوۆ.

مۇناي باعاسىنىڭ تومەندىگىن ەسكەرە وتىرىپ، مۇناي-گاز سالاسىنداعى جۇمىس ورىندارىنىڭ بوساتىلۋىنا بايلانىستى قاۋىپ-قاتەر ساقتالادى.

«بۇگىندە بۇل سالادا 2 مىڭنان استام كومپانيا جۇمىس ىستەيدى، شامامەن 200 مىڭ جۇمىسشى جۇمىس ىستەيدى. الداعى ايلاردا الەمدىك مۇناي نارىعىندا جاقسارۋ كۇتىلمەيدى»  دەيدى ر. جاقسىلىقوۆ.

سونىمەن بىرگە، ر. جاقسىلىقوۆ مۇنايدىڭ  ارزانداۋى  مۇناي-گاز كاسىپورىندارى مەن ولاردىڭ تىكەلەي مەردىگەرلەرىنە، ەڭ الدىمەن قازاقستانداعى مۇناي سەرۆيس كومپانيالارىنا اسەر ەتەتىنىن، جۇمىسشىلاردىڭ قىسقارتىلۋى مۇمكىن ەكەنىن ايتتى.

سونىمەن قاتار، جۇمىس ورىندارىنىڭ ساقتالۋى جانە ايماقتارداعى الەۋمەتتىك شيەلەنىستى ازايتۋ ءۇشىن  بىرقاتار ۇسىنىستار ايتتى. بۇل قازاق جۇمىسشىلارىنىڭ ايلىق جالاقىسىن ينفلياتسيا دەڭگەيىمەن قايتا ەسەپتەۋ، جۇمىس ورىندارىن ساقتاۋ.

بۇل فاكتور، ر. جاقسىلىقوۆتىڭ كومىرسۋتەگى باعاسىنىڭ كۇرت تومەندەۋى مەن كوروناۆيرۋستىڭ ورشۋىنە بايلانىستى رەسپۋبليكا ەكونوميكاسىنا تەرىس سالداردى السىرەتۋگە كومەكتەسەدى.

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار