ايماقتار • 18 ناۋرىز، 2020

الماتى: كارانتين كەزىندەگى كوممۋنالدىق قىزمەت ساپالى بولا ما؟

60 رەتكورسەتىلدى

الماتى قالاسى اكىمدىگىنىڭ ءباسپاسوز ورتالىعىندا كوممۋنالدىق جانە اۆاريالىق قىزمەتتەردىڭ جۇمىسىن قامتاماسىز ەتۋ بويىنشا ونلاين-ءباسپاسوز كونفەرەنتسياسى بولىپ ءوتتى. الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى اسەت ماساباەۆ كارانتين كەزىندە ەنەرگوكەشەندە اتقارىلاتىن جۇمىستارمەن تانىستىردى.

كارانتين كەزىندە ەنەرگوكەشەندەگى بارلىق مەكەمەلەر شتاتتىق رەجيمدە جۇمىس ىستەيدى ەكەن.  بارلىق قىزمەت كورسەتۋ ىستەرى، قىزمەت اقىسىن تولەۋ دە ونلاين-رەجيمدە جۇرگىزىلەدى.

قالادا سۋ، جىلۋ، گاز جەتكىزەتىن ءتۇرلى مەكەمەلەر بار. توتەنشە جاعداي كەزىندە ولار بارىنشا ساپالى قىزمەت جاساۋعا تىرىسادى. وسى رەتتە قالادا ءار مەكەمەدەن بىرىككەندە 100 اپاتتىق توپ قۇرىلدى. جۇمىسشىلاردىڭ بارلىعى قاۋىپسىزدىككە بايلانىستى ماسكامەن جانە قول جۋاتىن انتيسەپتيكتەرمەن قامتاماسىز ەتىلدى، – دەدى باسقارما باسشىسى.

سونىمەن قاتار تاعى ءبىر ايتا كەتەتىن ماسەلە، بۇگىندە ەنەرگوكەشەن قىزمەتكەرلەرى قاشىقتىقتان جۇمىس ىستەۋگە كوشكەن. «الماتى جىلۋ جەلىلەرى»، «الماتى سۋ»، «الماتى قالا جارىق» مەكەمەلەرى، ءتىپتى «الاتاۋ جارىق» كومپانياسى دا ونلاين-رەجيمدە جۇمىس ىستەيدى. «بۇكىل جۇمىس قالىپتى جاعدايدا بولادى، ساپا تومەندەمەيدى»، ­– دەدى اسەت ماساباەۆ.

ءبىر ەسكەرە كەتەتىن جاعداي، قانداي جاعداي بولماسىن، قالالىق Open Almaty مەكەمەسىنە نەمەسە اتالمىش باسقارما تەلەفوندارىنا تۇرعىندار حابارلاساتىن بولسا، ولاردىڭ سۇراقتارىنا تولىق جاۋاپ بەرىلەتىن بولادى. باسقارما ماماندارى تۇرعىنداردى كوممۋنالدىق قىزمەتپەن قامتاماسىز ەتۋگە تولىق دايىن.

– بىزگە قاراستى مەكەمەلەردە 4 مىڭنان اسا قىزمەتكەر بار. بۇل – ۇلكەن كۇش. سوندىقتان بۇل ماسەلەدە ەشقانداي پروبلەما بولمايدى دەپ سەنەمىن. ەگەر قانداي دا ءبىر اۆاريالىق جاعداي ورىن السا، ءبىز ونى تەز ارادا قالپىنا  كەلتىرۋگە تىرىساتىن بولامىز، – دەدى باسقارما باسشىسى.

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار