ايماقتار • 18 ناۋرىز، 2020

الماتى: جەر ساتىپ الۋعا 6 ميلليارد تەڭگە ءبولىندى

42 رەتكورسەتىلدى

بۇل 2020 جىلى يگەرىلۋى ءتيىس قارجى. بۇل تۋرالى بىزگە قالالىق اكىمدىكتىڭ ءباسپاسوز ءبولىمى حابارلادى.

اقپاراتقا سايكەس، بيىل 43 جەر ۋچاسكەسىن الىپ قويۋ جوسپارلانعان. ينفراقۇرىلىمدىق جوبالاردى جۇزەگە اسىرۋ ءۇشىن ۋچاسكەلەر الىنعان.

اتاپ ايتقاندا، اباي داڭعىلىن جاندوسوۆ كوشەسىنە دەيىن ۇزارتۋ، رىسقۇلوۆ پەن ەمتسوۆ، بۇقتىرما جانە قۇلجا تراسسالارىنىڭ قيىلىسىندا كولىك توراپتارىن سالۋ ءۇشىن جەر تەلىمدەرى ساتىپ الىنادى. سونىمەن قاتار، جەلتوقسان كوشەسىنەن باستاپ، تيميريازەۆ، جاندوسوۆ، سۇلەيمەنوۆ، مۇستافين كوشەلەرىمەن ساين كوشەسىنە دەيىن، ابىلاي حان كوشەسىن كەڭەيتۋ جانە ناۋرىزباي اۋدانىندا نەگىزگى ماگيسترالدى كوشەلەردى (مدپ) سالۋ ارقىلى جەلتوقسان كوشەسىنەن جوعارى جىلدامدىقتاعى اۆتوبۋس كولىگى (برت) جۇيەسى بار كوشە جەلىسىن قايتا قۇرۋ ءۇشىن جەر ۋچاسكەلەرى مەملەكەتتىڭ پايداسىنا ساتىلىپ الىنادى.  سونىمەن قاتار، الاتاۋ اۋدانىنداعى دارحان شاعىناۋدانىندا مەكتەپ سالۋ، جەتىسۋ اۋدانىنداعى «كيرپيچنىي» قوسالقى ستانتسياسى مەن ورتالىق ستاديوندى قايتا قۇرۋ ءۇشىن ۋچاسكەلەر تاركىلەنەدى.

مەملەكەتتىك قۇرىلىم 2018-2019 جىلدارى 20،5 ملرد تەڭگەگە 58،2 گا جەر ساتىپ الدى.

ەسكە سالايىق، مەگاپوليستە 20،2 ميلليارد تەڭگەگە ءۇش دەڭگەيلى جاڭا جول قۇرىلىسى سالىنىپ جاتىر.  جاڭا جوبا  الماتىنىڭ سولتۇستىك-شىعىس بولىگىن ءبىر-بىرىمەن جالعاستىرادى.

بۇعان دەيىن قالا اكىمدىگى 2020 جىلى رەسپۋبليكالىق بيۋدجەتتەن كوشەلەردى اسفالتتاۋعا جانە جول ايرىقتارىن سالۋعا رەسپۋبليكالىق بيۋدجەتتەن 16،1 ميلليارد تەڭگە بولىنەتىنىن حابارلادى.

سونداي-اق مەتروعا 35،1 ميلليارد تەڭگە بولىنگەن. بۇل - 2020 جىلى الماتىنىڭ جاڭارعان بەينەسىن تولىقتىراتىن جاڭا جوبالار.

الماتى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار