العاشقى ونلاين-بريفينگتى الماتى قالاسى پوليتسيا دەپارتامەنتىنىڭ باسشىسى قانات دانيار ۇلى تايمەردەنوۆ وتكىزدى. دەپارتامەنت باسشىسى تومەندەگىدەي مالىمدەمە جاسادى.
«قۇرمەتتى ازاماتتار, وزدەرىڭىز بىلەتىندەي كۇنى كەشە ەلىمىزدىڭ اۋماعىندا مەملەكەت باسشىسى وكىممەن توتەنشە جاعداي جاريالانعان بولاتىن.
وسى ورايدا قالا گارنيزونىنىڭ جەكە قۇرامى قىزمەت ەتۋدىڭ كۇشەيتىلگەن دەڭگەيىنە كوشتى.
پوليتسيانىڭ نەگىزگى مىندەتتەرى قوعامدىق قاۋىپسىزدىكتى ساقتاۋ مەن ازاماتتاردىڭ قاۋىپسىزدىگىن قامتاماسىز ەتۋ.
قازىرگى تاڭدا دەپارتامەنت تاراپىننان كوروناۆيرۋستىق ينفەكتسيانىڭ الدىن الۋعا جانە وعان توسقاۋىل قويۋعا باعىتتالعان شارالار جاسالۋدا.
باسقا دا مەملەكەتتىك ورگاندارمەن بىرىگە وتىرىپ, ينفەكتسياعا دۋشار بولعان ازاماتتارمەن قاتىناستا بولعان جانداردى ىزدەستىرۋدە. بۇگىنگى كۇنى وسىنداي 798 ازاماتتار سانى انىقتالىپ, ولار مەديتسينالىق مەكەمەلەرگە جەتكىزىلدى.
اسا ماڭىزدى مەملەكەتتىك نىساندار مەن مەكەمەلەر تاۋلىك بويىندا كۇزەتىلۋدە. قر پرەزيدەنتى قاراماعىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسياسىنىڭ شەشىمىمەن 19 ناۋرىز ساع. 00-00 باستاپ كارانتين رەجيمى ەنگىزىلەدى.
باستى ماقسات قالانىڭ سىرتقى اۋماعىن باقىلاپ جانە قالانىڭ ىشىندەگى كارانتين رەجيمىن قاتاڭ قاداعالاۋ ارقىلى ينفەكتسيانىڭ تارالۋىن توقتاتۋ.
الماتىنىڭ شەكاراسىنان اۆتوكولىكتەردىڭ كىرىپ-شىعۋىنا شەكتەۋ قويىلادى, وسىعان بايلانىستى قالانىڭ بارلىق كىرە بەرىستەرىنە جانە 10 ماگيسترالعا 27 بلوك پوست قويىلادى, ول جەرگە كۇندەلىكتى پوليتسيا قىزمەتكەرلەرى مەن قورعانىس مينيستىرلىگى جاۋىنگەرلەرى جۇمىلدىرىلادى.
پوليتسيا دەپارتامەنتىندە كولل-تسەنتر قۇرىلىپ, ازاماتتاردىڭ بارلىق سۇراقتارىنا جەدەل جاۋاپ بەرىلەدى. قۇرمەتتى ازاماتتار سىزدەردەن ءىىو تاراپىنان جاسالىپ جاتقان شارالارعا تۇسىنىستىكپەن قاراۋىن سۇرايمىز. ويتكەنى ولار ءسىزدىڭ جانە ءسىزدىڭ جاقىندارىڭىزدىڭ قاۋىپسىزدىگىنە باعىتتالعان», دەدى الماتى قالاسى پوليتسيا دەپارتامەنتىنىڭ باسشىسى قانات تايمەردەنوۆ
الماتى
