باق تاراپىنان قويىلىپ جاتقان سۇراقتار لەگى تومەندەگىدەي.
نۇر-سۇلتان قالاسىندا ۆيرۋس جۇقتىرعاندارمەن بايلانىستا بولعان الماتىلىقتار بار ما؟
كوروناۆيرۋس جۇقتىرعانداردى ەمدەپ جاتقان دارىگەرلەر قورعالعان با؟ ولار ۇدايى كوروناۆيرۋسقا تەست تاپسىرىپ وتىر ما؟
مەديتسينا قىزمەتكەرلەرى جۇمىس ۋاقىتى اياقتالعان سوڭ وقشاۋلانا ما؟
كوروناۆيرۋس تابىلعان ناۋقاستار تۋىسقاندارىنان وقشاۋلانعان با؟
ءدال قازىرگە كەزدە ناۋقاستاردىڭ جاعدايى قالاي؟ ولار جاساندى تىنىس اپپاراتتارىن قاجەتسىنە مە؟
الماتى قالالىق قوعامدىق دەنساۋلىق ساقتاۋ باسقارماسىنىڭ وكىلدەرى قاجەتتى بارلىق ساقتىق شارالارىنىڭ ساقتالعانىن, مەديتسينا قىزمەتكەرلەرى كەرەكتى قاۋىپسىزدىك زاتتارىمەن تولىق قامتاماسىز ەتىلگەنىن, انىقتالعان ناۋقاستاردىڭ جاعدايى بىرقالىپتى ەكەندىگىن حابارلادى.
سونداي-اق بارلىق قاجەتتى مەديتسينالىق, پروفيلاكتيكالىق جانە ۇيىمداستىرۋ شارالارى جالعاسىپ جاتىر.
الەۋمەتتىك ءال-اۋقات باسقارماسىنىڭ ۆەدومستۆولىق باعىنىستى ۇيىمدار – حالىقتى جۇمىسپەن قامتۋ ورتالىعى مەن باسقارمانىڭ اۋداندىق بولىمدەرى شتاتتىق رەجيمدە جۇمىسىن جالعاستىرىپ وتىر.
ارناۋلى الەۋمەتتىك قىزمەتتەر ۇسىناتىن ورتالىقتار بويىنشا ايتار بولساق, ستاتسيونار جاعدايىنداعى ورتالىقتاردا كارانتين جاريالاندى, جارتىلاي ستاتسيونار جاعدايىندا – قىزمەت الۋشىلار دەمالىسقا تاراتىپ جىبەرىلدى.
