تۇياقباەۆتىڭ ايتۋىنشا, تۇراقتاندىرۋ قورىنا شامامەن 18 مىڭ توننا الەۋمەتتىك ماڭىزى بار نەگىزگى ازىق-ت ۇلىك تاۋارلارى ساتىپ الىنعان. بۇل – قانت, كۇنباعىس مايى, قاراقۇمىق, كوكونىس, تاۋىق ەتى. بارلىق ونىمدەر Magnum جانە Small ساۋدا جەلىلەرى ارقىلى ساتىلادى. الداعى ۋاقىتتا تۇراقتاندىرۋ قورىنا قوسىمشا قاراجات بولىنەدى.
«بىزدە الەۋمەتتىك ماڭىزى بار ازىق-ت ۇلىك تاۋارلارىنىڭ بارلىق 19 ءتۇرىن جەتكىزىپ بەرەتىندەر بار. ءبىز ولارمەن باعاسى جانە جەتكىزۋ كولەمى تۋرالى وسى جىلدىڭ ماۋسىم ايىنىڭ سوڭىنا دەيىن انىقتاپ الدىق.
سوندىقتان دۇربەلەڭ بولماۋى كەرەك. سوڭعى ەكى كۇندە ساۋدا جەلىلەرىندە ۋاقىتشا دۇربەلەڭ ورىن الدى. بىراق ءبىز تاۋارلاردى ۋاقىتىندا جەتكىزدىك. قالاداعى قويمالاردا بارلىق قاجەتتى زاتتار بار», – دەپ اتاپ ءوتتى الماتى قالاسى اكىمىنىڭ ورىنباسارى ساپاربەك تۇياقباەۆ.
جۋرناليستەردىڭ سۇراقتارىنا جاۋاپ بەرگەن قالا اكىمىنىڭ ورىنباسارى قالادا ازىق-ت ۇلىك قاۋىپسىزدىگى بويىنشا ارنايى شتاب قۇرىلعانىن, ءار اۋدان اكىمدىگىنىڭ دەڭگەيىندە جاۋاپتى قىزمەتكەرلەر انىقتالعانىن, اكىمدىك قالانىڭ بارلىق نۇكتەلەرىندە ددۇ باعاسى تۋرالى جەدەل اقپارات الىپ وتىرعانىن اتاپ ءوتتى.
«باعانىڭ نەگىزسىز كوتەرىلۋى انىقتالعان جاعدايدا ءتيىستى شارالار قابىلداناتىن بولادى», – دەپ اتاپ ءوتتى ساپاربەك تۇياقباەۆ.
«بارلىق ماسەلە باقىلاۋدا. بۇگىنگى تاڭدا بىزدە باعانىڭ كوتەرىلۋى بويىنشا قاۋىپ جوق. تاۋارلاردىڭ نەگىزگى بولىگى – وتاندىق ءونىم», – دەپ تولىقتىردى ءسوزىن اكىمنىڭ ورىنباسارى.
سونداي-اق, ول قالاداعى ءدارىحانالاردىڭ بەتپەردەلەر جانە زالالسىزداندىرۋ قۇرالدارىمەن قامتاماسىز ەتىلگەندىگىن اتادى. بۇل ماسەلەدە قالا اكىمدىگى وتاندىق زالالسىزداندىرۋ قۇرالدارىن, سانيتايزەرلەردى وندىرۋمەن اينالىساتىن «Avrora Holding» پەن بەتپەردەلەردى جەتكىزەتىن «Dolce Pharm» كومپانياسىمەن كەلىسىمگە قول قويدى دەپ حابارلادى قالا اكىمىنىڭ ورىنباسارى.
«بۇگىن قالاعا 60-80 مىڭ بەتپەردەلەر جەتكىزىلدى. ەرتەڭ, ياعني دەمالىس كۇندەرى 140 مىڭعا جۋىق بەتپەردە اكەلىنبەك. دۇيسەنبىدەن باستاپ ءبىز كۇن سايىن 80 مىڭعا جۋىق بەتپەردە جەتكىزەتىن بولامىز. سونداي-اق, مەملەكەت ەسەبىنەن ءبىزدىڭ قىزمەتىمىزدىڭ قىزمەتكەرلەرى, ونىڭ ىشىندە پوليتسەيلەر, دارىگەرلەر, شەكارا قىزمەتىنىڭ قىزمەتكەرلەرى جانە باسقالارى بەتپەردەلەرمەن قامتاماسىز ەتىلەدى», – دەدى ساپاربەك تۇياقباەۆ.
ايتۋىنشا, بارلىق قوعامدىق كولىك قۇرالدارىن, قوعامدىق ورىنداردى, اۋرۋحانالار مەن ەمحانالاردى زالالسىزداندىرۋ قۇرالدارىمەن وڭدەۋ قاجەت. وسى ماقساتتا «Avrora Holding» ءوندىرىس كولەمىن ارتتىردى. ونىڭ اينالىم قاراجاتىن اكىمدىك قامتاماسىز ەتتى.
«سونداي-اق شيكىزات جەتكىزۋ بويىنشا ماسەلەلەر شەشىلدى. ءبىزدىڭ مالىمەتتەر بويىنشا, بۇل قاراجات قالانىڭ قاجەتتىلىكتەرىن قاناعاتتاندىرۋ ءۇشىن جەتكىلىكتى», – دەدى ول.
قالا اكىمى ورىنباسارىنىڭ ايتۋىنشا, قالا بيلىگى قالانىڭ 20-عا جۋىق ءىرى دارىحانالىق جەلىلەرىنىڭ وكىلدەرىمەن كەزدەسۋلەر وتكىزىپ, ءبىرىنشى كەزەكتەگى قاجەتتى ءدارى-دارمەكتەردىڭ باعاسىن باقىلاۋ جانە ونىڭ جەتكىلىكتى كولەمىن قامتاماسىز ەتۋ بويىنشا ۋاعدالاستىققا قول جەتكىزىپتى.
قالا اكىمدىگىندە بەلگىلى بولعانداي, قوعامدىق كولىك قۇرالدارىن وڭدەۋ كۇندەلىكتى ءارى مىندەتتى شاراعا جاتقىزىلادى. بۇل شارا مەملەكەتتىك جانە جەكە اۆتوكولىكتەرگە قاتىستى. اۆتوكولىك پاركتەرىنىڭ سانيتارلىق جاعدايىن تەكسەرۋ تۇردە جۇرگىزىلەدى. تالاپتار ورىندالماعان جاعدايدا ولار جازاعا تارتىلماق.
الماتى
