قوعام • 13 ناۋرىز، 2020

ءالىپبيدى جەتىلدىرۋ جۇمىستارى جالعاسادى

202 رەت كورسەتىلدى

بۇگىن مادەنيەت جانە سپورت مينيسترلىگى ءتىل ساياساتى كوميتەتىنىڭ ۇيىمداستىرۋىمەن ۇلتتىق كوميسسيا جانىنداعى ورفوگرافيالىق جۇمىس توبىنىڭ كەڭەيتىلگەن وتىرىسى ءوتتى.

وتىرىس بارىسىندا عالىمدار ءتىل ساياساتى كوميتەتىنىڭ ءالىپبيدى جەتىلدىرۋگە قاتىستى ەلىمىزدىڭ بارلىق وڭىرىندە، جوعارى وقۋ ورىندارىندا، مەكتەپتەردە وتكىزگەن ءالىپبيدى جەتىلدىرۋگە بايلانىستى سىناما جانە  تالقىلاۋ، ساۋالناما ناتيجەلەرىمەن تانىستى.

كەڭەستە عالىمدار ءالىپبي قۇرامىنا س، w، ح تاڭبالارىن ەنگىزۋ قاجەت پە، تس، چ دىبىستارىنا تاڭبا ارناۋدىڭ وزەكتىلىگى قانداي، ي، ءى جانە ڭ دىبىستارىنىڭ تاڭباسىن جەكە-جەكە قايتادان قاراستىرۋ دۇرىس پا دەگەن ماسەلەلەردى تالقىلادى.

عالىمدار ڭ دىبىسىن وقۋعا، جازۋعا ىڭعايلى n تاڭباسىنىڭ ۇستىنە تيلدا بەرىپ، كلاسسيكالىق ۇلگىدە پايدالانۋ دۇرىس دەپ شەشتى.  دەگەنمەن الىپبيگە C قارپىن ەنگىزۋ، س (سي) دىبىسىمەن تس ءارىپىن تاڭبالاۋ نەمەسە ونى الىپبيگە مۇلدە ەنگىزبەۋ تۋرالى ماسەلەدە  عالىمدار  پىكىرى ەكىگە جارىلدى. بۇل ماسەلە ءالى دە تالقىلاناتىن بولادى.

سونداي-اق W،X،C دىبىستارىن الىپبيگە كىرمە سوزدەردى پايدالانۋ ءۇشىن قوسىمشا دىبىستار رەتىندە الۋدى جانە پەرنەتاقتادا ورنالاستىرۋدى دۇرىس دەپ شەشتى. الىپبيدەگى باسقا دىبىستار، تاڭبالار ۇلتتىق كوميسسيا جانىنداعى ءتورت جۇمىس توبى عالىمدارى ماقۇلداعان قالىپتا قالدىرىلدى.

ءالىپبيدى جەتىلدىرۋ جۇمىستارى جالعاسادى. كەيبىر پىكىر قايشىلىعىن تۋدىرعان دىبىستارعا بايلانىستى ساراپتاۋلار جاسالىنادى.

جەتىلدىرىلگەن ءالىپبي جوباسى تولىق تالاپقا ساي بولعاندا ۇكىمەتتەگى ۇلتتىق كوميسسيانىڭ قاراۋىنا ۇسىنىلاتىن بولادى.

سوڭعى جاڭالىقتار

باس بايگە – 5 ميلليون تەڭگە

سپورت • بۇگىن، 07:50

قازاقستان – 4-سەبەتتە

سپورت • بۇگىن، 07:49

جەرلەستەرىمىز جەڭىسكە جەتتى

تەننيس • بۇگىن، 07:47

اعايىندىلار اسپەتتەگەن قۇندىلىق

ايماقتار • بۇگىن، 07:45

ەگىزدەر شەرۋى

قوعام • بۇگىن، 07:43

تولعان ورتانىڭ تولعامى

قوعام • بۇگىن، 07:35

نەوبانك نە بانك؟

قارجى • بۇگىن، 07:33

قارجىنىڭ قايتارىمى بولا ما؟

ساياسات • بۇگىن، 07:28

كانديداتتىڭ شىعىنى وتەلەدى

ساياسات • بۇگىن، 07:27

بىرلىگىمىزگە سىزات تۇسپەسىن

قازاقستان • بۇگىن، 07:25

ساياسي دودا باستالدى

ساياسات • كەشە

كىنالى مەن كىناسىز

رۋحانيات • كەشە

پاراسات مايدانى

ادەبيەت • كەشە

كياكۋ ولگەن كۇن...

ادەبيەت • كەشە

ۇقساس جاڭالىقتار