اعىمداعى جىلعى 1 ناۋرىزداعى جاعداي بويىنشا جالپى سوماسى 5,3 ملرد تەڭگەگە 45 904 ادام بالا تۋعا بايلانىستى بىرجولعى جاردەماقى الدى. بۇل ماقساتقا 2020 جىلى 45,2 ملرد تەڭگە باعىتتالادى.
ەستەرىڭىزگە سالا كەتەيىك, 2020 جىلى ءبىرىنشى, ەكىنشى, ءۇشىنشى بالانىڭ تۋىلۋىنا بەرىلەتىن بىرجولعى جاردەماقى مولشەرى 38 ايلىق ەسەپتىك كورسەتكىشتى (بۇدان ءارى – اەك) نەمەسە 100 738 تەڭگەنى قۇرايدى, ال ءتورتىنشى جانە ودان كەيىنگى بالاعا 63 اەك نەمەسە 167 013 تەڭگە تولەنەدى.
جىل باسىنان بەرى جالپى سوماسى 5,8 ملرد تەڭگەگە 138,8 مىڭ ادام ءبىر جاسقا دەيىنگى بالا كۇتىمىنە بايلانىستى جاردەماقى الدى. 2020 جىلى اتالعان جاردەماقىنى تولەۋگە 39 ملرد تەڭگە باعىتتالادى.
جاردەماقىنىڭ بۇل ءتۇرى جۇمىس ىستەمەيتىن اتا-انالارعا بەرىلەدى. ول وتباسىنداعى كىرىستەرگە قاراماستان تاعايىندالادى جانە ءتورتىنشى بالاعا دەيىنگى بالالار سانىنا قاراي ۇلعايادى ء(بىرىنشى بالاعا – 5,76 اەك نەمەسە 15,270 تەڭگە, ەكىنشى بالاعا – 6,81 اەك نەمەسە 18 054 تەڭگە, ءۇشىنشى بالاعا – 7.85 اەك نەمەسە 20811 تەڭگە, ءتورتىنشى جانە ودان كەيىنگى بالاعا– 8,9 اەك نەمەسە 23 594 تەڭگە).
2020 جىلعى 1 ناۋرىزداعى جاعداي بويىنشا 37,5 مىڭ ادام 14,7 ملرد تەڭگە سوماسىندا مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) جۇكتىلىك پەن بوسانۋعا بايلانىستى تابىسىنان ايىرىلعان جاعدايدا تولەم الدى. اعىمداعى جىلى بۇل ماقساتقا 86,4 ملرد تەڭگە باعىتتاۋ جوسپارلانعان.
مەملەكەتتىك الەۋمەتتىك ساقتاندىرۋ قورىنان جۇمىس ىستەيتىن اتا-انالارعا ءبىر جاسقا دەيىنگى بالا كۇتىمىنە بايلانىستى تولەمدەر 2020 جىلعى 1 ناۋرىزداعى جاعداي بويىنشا 234,7 مىڭ ادامعا 15,3 ملرد تەڭگە سوماسىندا تولەندى. اعىمداعى جىلى تولەمدەردىڭ جالپى سوماسى 100,1 ملرد تەڭگەنى قۇرايدى.
مۇگەدەك بالالاردى تاربيەلەپ وتىرعان اتا-انالار مەن قامقورشىلارعا بەرىلەتىن جاردەماقى مولشەرى 2020 جىلى 43 657 تەڭگەنى قۇرادى (1,4 ەڭ تومەنگى كۇنكورىس دەڭگەيى). 2020 جىلعى 1 ناۋرىزداعى جاعداي بويىنشا 87,727 ادام جالپى سوماسى 7,7 ملرد تەڭگەگە وسى جاردەماقىنى الدى. بۇل ماقساتقا 48,1 ملرد تەڭگە ءبولىندى.
18 جاستان اسقان بالا كەزىنەن ءبىرىنشى توپتاعى مۇگەدەكتىڭ كۇتىمى بويىنشا تاعايىندالاتىن جانە تولەنەتىن اي سايىنعى مەملەكەتتىك جاردەماقىنىڭ مولشەرى 1,4 ەڭ تومەنگى كۇنكورىس دەڭگەيىنە تەڭ. 2020 جىلى اتالعان مەملەكەتتىك جاردەماقىنى جالپى سوماسى 1,3 ملرد تەڭگەگە 14 349 ادام الدى. بيىل بۇل ماقساتقا 8,6 ملرد تەڭگە قاراستىرىلعان.
2020 جىلى «التىن القا» جانە «كۇمىس القا» القالارىمەن ماراپاتتالعان كوپبالالى انالارعا جاردەماقى تولەۋگە 47,5 ملرد تەڭگە ءبولىندى, تولەمنىڭ ورتاشا مولشەرى 16 967 تەڭگەنى قۇرايدى. اعىمداعى جىلعى 1 ناۋرىزداعى جاعداي بويىنشا اتالعان جاردەماقىنى 233,8 مىڭ ادام 8 ملرد تەڭگە سوماسىندا الدى.
2020 جىلعى قاڭتار-اقپاندا مۇگەدەكتىك بويىنشا مەملەكەتتىك الەۋمەتتىك جاردەماقىلاردى تولەۋگە رەسپۋبليكالىق بيۋدجەتتەن 46,3 ملرد تەڭگە, اسىراۋشىسىنان ايرىلۋ جاعدايىنا بايلانىستى 12,2 ملرد. تەڭگە ءبولىندى. 2020 جىلعى 1 ناۋرىزداعى جاعداي بويىنشا مۇگەدەكتىك بويىنشا مەملەكەتتىك الەۋمەتتىك جاردەماقى الۋشىلاردىڭ سانى 521,4 مىڭ ادامدى, اسىراۋشىسىنان ايىرىلۋ جاعدايىندا – 165,8 مىڭ ادامدى قۇرايدى.
سونىمەن قاتار 2020 جىلعى 1 ناۋرىزداعى جاعداي بويىنشا رەسپۋبليكالىق بيۋدجەتتەن دەكرەت دەمالىسىنداعى جۇمىس ىستەيتىن ايەلدەردىڭ مىندەتتى زەينەتاقى جارنالارىن سۋبسيديالاۋعا 434,4 ملن تەڭگە اۋدارىلدى. بۇل قاراجات ماسق-تان ءبىر جاسقا دەيىنگى بالا كۇتىمىنە بايلانىستى الەۋمەتتىك تولەم الاتىن 85 مىڭعا جۋىق ادامنىڭ جەكە زەينەتاقى شوتتارىنا ءتۇستى.
2020 جىلى, بولجام بويىنشا, ءبىر جاسقا دەيىنگى بالا كۇتىمى بويىنشا دەمالىستا بولعان كەزەڭىندە جۇمىس ىستەيتىن ايەلدەر ءۇشىن مىندەتتى زەينەتاقى جارنالارىن سۋبسيديالاۋعا 5,9 ملرد تەڭگە باعىتتالادى.
سونىمەن قاتار كوپبالالى وتباسىلاردى قولداۋ 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنت بالالارى بار وتباسىلارعا جاڭا مەملەكەتتىك جاردەماقى تولەۋ ەسەبىنەن قامتاماسىز ەتىلدى. اتالعان مەملەكەتتىك جاردەماقى 2020 جىلعى 1 قاڭتاردان باستاپ وتباسىنىڭ تابىسىنا قاراماستان سارالانعان مولشەردە تولەنەدى: 4 بالاعا – 42 496 تەڭگە; 5 بالاعا – 53 127 تەڭگە; 6 بالاعا – 63 757 تەڭگە; 7 جانە ودان دا كوپ بالاعا – 74 388 تەڭگە. 2020 جىلدىڭ 2 ايىندا 382 مىڭ وتباسى جاردەماقى الىپ, 36 ملرد تەڭگە تولەندى.
2020 جىلى مەملەكەتتىك جاردەماقىلار مەن تولەمدەردى تولەۋگە 693 ملرد تەڭگە قاراستىرىلعان.
