سۋرەت: smartnews.kz
سەنات دەپۋتاتتارى دارحان قىدىرالى مەن بيبىگۇل جەكسەنباي ەلوردادا ۇلتتىق مۇراعات ۇجىمىمەن كەزدەسىپ, جاڭا كونستيتۋتسيا جوباسىنىڭ قوعام ءۇشىن ماڭىزىن تالقىلادى. اتاپ ايتقاندا, اتا زاڭداعى وزگەرىستەر ازاماتتاردىڭ قۇقىقتارىن قورعاۋ, دەربەس دەرەكتەردىڭ قاۋىپسىزدىگى, ادىلدىك پەن جاۋاپكەرشىلىكتى قامتاماسىز ەتۋدەگى مەملەكەتتىڭ رولىنە قالاي اسەر ەتەتىنىن ايتتى.
«مۇراعات ءىسىن تسيفرلاندىرۋ, دەرەكتەر بازاسىن دامىتۋ, قۇجاتتاردىڭ ساقتالۋى مەن قولجەتىمدىلىگىن قامتاماسىز ەتۋ – بۇل قۇقىقتىق مەملەكەت پەن ەلىمىزدىڭ اقپاراتتىق قاۋىپسىزدىگىن نىعايتۋعا ۇلەس قوسادى», دەدى د.قىدىرالى.
ال دەپۋتات ەۆگەني بولگەرت ۇلتتىق عىلىمي ونكولوگيالىق ورتالىقتىڭ ۇجىمىمەن كەزدەستى. وندا سەناتور مەديتسينالىق كومەك قۇقىعىن بەكىتەتىن جاڭا كونستيتۋتسيا جوباسىنىڭ 32-بابىنا توقتالدى. ە.بولگەرتتىڭ ايتۋىنشا, نورمانىڭ جاڭا رەداكتسياسى زاڭدى تۇردە دالىرەك ءارى جۇيەلى, ال مەملەكەت دەنساۋلىق ساقتاۋ سالاسىنداعى مىندەتتەمەلەرىن ساقتاپ, ودان ءارى كۇشەيتەدى.
الماتى قالاسىنا جۇمىس ساپارىمەن بارعان سۇلتانبەك ماكەجانوۆ, نۋريا نيازوۆا مەن جاننا اسانوۆا الەۋمەتتىك سالا وكىلدەرىمەن بىرقاتار كەزدەسۋ وتكىزدى. ولار سالا قىزمەتكەرلەرىمەن بىرگە دەنساۋلىق ساقتاۋ, ءبىلىم بەرۋ مەن حالىقتى الەۋمەتتىك قولداۋ ماسەلەلەرىن تالقىلادى.
الىشەر ساتۆالديەۆ شىمكەنت قالاسىندا №107 جالپى ورتا ءبىلىم بەرۋ مەكتەبىنىڭ ۇجىمىمەن كەزدەستى. سەناتور جاڭا كونستيتۋتسيا جوباسىندا ۇسىنىلعان وزگەرىستەر ساياسي جۇيەنى جاڭعىرتۋعا, ازاماتتاردىڭ قۇقىقتارى مەن بوستاندىقتارىن قورعاۋدى كۇشەيتۋگە, سونداي-اق ادىلەتتى قوعامدى قالىپتاستىرۋعا باعىتتالعانىن اتاپ ءوتتى.
سەناتورلار جانبولات جورگەنباەۆ پەن زاكيرجان كۇزيەۆ الماتى وبلىسىنىڭ ىلە اۋدانىنداعى «الاتاۋ جارىق» اق ەڭبەك ۇجىمىمەن, ال سۇلتان دۇيسەمبينوۆ جامبىل اۋدانىنىڭ ب.قىدىربەك ۇلى اتىنداعى اۋىل تۇرعىندارىمەن, سونداي-اق قوناەۆ قالاسىنداعى جەو ۇجىمىمەن كەزدەستى. سەناتور ەگەمەندىك, تاۋەلسىزدىك, مەملەكەتتىڭ ءبىرتۇتاس سيپاتى, اۋماقتىق تۇتاستىق جانە باسقارۋ نىسانىنىڭ وزگەرمەيتىندىگىن بەكىتۋ ماسەلەلەرىن ايتىپ بەردى.
سونىمەن قاتار امانگەلدى ەسباي مەن عالياسقار سارىباەۆ – جەتىسۋ, مۇرات قادىربەك – تۇركىستان, شاكارىم بۇقتۇعۇتوۆ پەن ولگا بۋلاۆكينا – شىعىس قازاقستان, ءلاززات رىسبەكوۆا – باتىس قازاقستان, سۇيىندىك الداشەۆ پەن بەكبول ورىنباساروۆ – ماڭعىستاۋ, الىبەك ناۋتيەۆ پەن ساعىندىق لۇقپانوۆ – اتىراۋ, امانگەلدى نۇعمانوۆ – اقتوبە, سەرىك وتەشوۆ پەن سوۆەتبەك مەدەباەۆ قاراعاندى وبلىسىنىڭ تۇرعىندارىمەن كەزدەسىپ, ەلدەگى رەفورمالاردىڭ ءمان-جايىن مالىمدەپ بەردى, حالىقتىڭ كوكەيدە جۇرگەن ماسەلەلەرىن دە جيناقتاپ قايتتى.
