ونىڭ ىشىندە سالىقتىق تۇسىمدەر 358 ملرد تەڭگەنى قۇراپ, 2019 جىلدىڭ قاڭتار-اقپانىمەن سالىستىرعاندا 37,1%-عا تومەندەدى. تۇسىمدەردىڭ اعىمداعى سەرپىنى ساقتالعان جاعدايدا, 2020 جىلى قوردىڭ پايداسىنا جيىنتىق سالىق تولەمدەرى 2 147,8 ملرد تەڭگەنى قۇراۋى مۇمكىن. ەستەرىڭىزگە سالا كەتەيىك, 2019 جىلى ۇلتتىق قورعا تۇسكەن جيىنتىق سالىق كولەمى 2 837,2 ملرد تەڭگەنى قۇرادى. سونىمەن قاتار سالىق تولەمدەرىنىڭ بارلىق ءتۇرى بويىنشا ازايعانى بايقالادى. اعىمداعى جىلدىڭ ەكى ايىندا كورپوراتيۆتى تابىس سالىعى بويىنشا تۇسىمدەر كولەمى 121,9 ملرد تەڭگەنى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 100,9 ملرد تەڭگەگە نەمەسە 45,3%-عا تومەن. مۇناي سەكتورى ۇيىمدارىنىڭ ونىمدەرىن ءبولۋ بويىنشا تۇسىمدەر 43,7%-عا نەمەسە 92,4 ملرد تەڭگەگە, 119,0 ملرد تەڭگەگە دەيىن ازايدى. اعىمداعى جىلى پايدالى قازبالاردى ءوندىرۋ سالىعى 16,7%-عا تومەن, ال رەنتالىق سالىقتان تۇسكەن تۇسىمدەر 10,4%-عا كەم. بۇل رەتتە ەسەپتى كەزەڭدە مۇناي ەكسپورتىنىڭ ايتارلىقتاي تومەندەۋى بايقالعان جوق. وسىلايشا 2020 جىلدىڭ قاڭتار-اقپان ايلارىندا نوۆوروسسيسك پورتىندا «كاسپي قۇبىر كونسورتسيۋمى» تەڭىز تەرمينالى ارقىلى مۇناي تيەۋ كولەمى 10,48 ملن توننانى قۇرادى, بۇل 2019 جىلدىڭ سايكەس كەزەڭىنىڭ كورسەتكىشىنەن 0,2%-عا تومەن (10,50 ملن توننا). ايتا كەتۋ كەرەك, كقك قۇبىر جۇيەسىنە قازاقستاندىق مۇناي ەكسپورتىنىڭ 75%-دان استامى كەلەدى.
ايلار بويىنشا تۇسىمدەردى ءبولۋ كەزىندە, اعىمداعى جىلدىڭ قاڭتارىندا ۇلتتىق قورعا تۇسەتىن سالىق تۇسىمدەرى 2019 جىلدىڭ قاڭتارىمەن سالىستىرعاندا 53,3%-عا ازايىپ, 51 ملرد تەڭگەنى قۇرادى, ال اقپان ايىندا تۇسىمدەر 33,3%-عا, 307 ملرد تەڭگەگە دەيىن ازايدى.
2020 جىلدىڭ ەكى ايىندا 838,1 ملرد تەڭگە قور قاراجاتى پايدالانىلدى. ونىڭ ىشىندە, 838 ملرد تەڭگە رەسپۋبليكالىق بيۋدجەتكە كەپىلدەندىرىلگەن ترانسفەرت تۇرىندە اۋدارىلدى, ال 140,5 ملن تەڭگە قور شىعىندارىن جابۋعا باعىتتالدى. وسىلايشا ۇلتتىق قوردىڭ اكتيۆتەرى 2020 جىلدىڭ قاڭتار-اقپان ايلارىندا 474,9 ملرد تەڭگەگە, 26 565,6 ملرد تەڭگەگە دەيىن تومەندەدى. ايتا كەتەيىك, «قازاقستان رەسپۋبليكاسىنىڭ ۇلتتىق قورىنان 2020 – 2022 جىلدارعا ارنالعان كەپىلدەندىرىلگەن ترانسفەرت تۋرالى» زاڭىمەن ۇلتتىق قوردان 2020 جانە 2021 جىلدارى 2,7 ترلن تەڭگە مولشەرىندە بيۋدجەتكە كەپىلدەندىرىلگەن ترانسفەرت قاراستىرىلعان, بۇل 2022 جىلى 2,6 ترلن تەڭگەگە دەيىن تومەندەيدى.
دەپوزيتتىڭ سىياقى مولشەرلەمەسى قايتا قارالدى
قازاقستاننىڭ دەپوزيتتەرگە كەپىلدىك بەرۋ قورى بازالىق مولشەرلەمەنىڭ وسۋىنە بايلانىستى تەڭگەدەگى دەپوزيتتەر بويىنشا 2020 جىلدىڭ ناۋرىز بەن ءساۋىر ايلارىنا ۇسىنىلعان ەڭ جوعارى سىياقى مولشەرلەمەسىن قايتا قارادى. بيىل 10 ناۋرىزدان باستاپ ۇلتتىق بانكتىڭ بازالىق مولشەرلەمەسى جىلىنا 12 پايىز دەڭگەيىندە بەكىتىلدى.
ەسكە سالا كەتسەك, جەكە تۇلعالاردىڭ قايتادان تارتىلعان دەپوزيتتەرى بويىنشا ماكسيمالدى سىياقى مولشەرلەمەسىن انىقتاۋ جانە بەكىتۋ ادىستەمەسىنە سايكەس ۇسىنىلعان مولشەرلەمەلەر بازالىق مولشەرلەمە وزگەرگەندە قايتا قارالىپ, بەكىتىلگەن كۇننەن باستاپ كۇشىنە ەنەدى.
وزگەرىستەر مەرزىمسىز سالىمدارعا قاتىستى ورىن الدى. ويتكەنى بۇل سالىمدار ۇلتتىق بانكتىڭ بازالىق مولشەرلەمەسى نەگىزىندە ەسەپتەلەدى. ياعني مولشەرلەمەلەر 9,8 پايىزدان 12,5 پايىزعا دەيىن ءوستى. سونىمەن قاتار 3 جانە 6 ايلىق مەرزىمدى دەپوزيتتەر جانە 3 ايلىق جيناق اقشا سالىمى بويىنشا مولشەرلەمەلەر دە 13 پايىزعا دەيىن جوعارىلادى.
اقىلى جولداردان 600 ملن تەڭگە جينالدى
2020 جىلدىڭ ەكى ايى ىشىندە جالپى ۇزىندىعى 682 شاقىرىمدى قۇرايتىن 4 اقىلى جول ۋچاسكەسىنەن تۇسكەن قاراجات 643,1 ملن تەڭگەنى قۇرادى. قازاقستاندىقتار رەسپۋبليكالىق ماڭىزى بار «نۇر-سۇلتان – تەمىرتاۋ» تاسجولىمەن ءجۇرىپ وتكەنى ءۇشىن 215,5 ملن تەڭگە تولەسە, «نۇر-سۇلتان – شۋچينسك» تاسجولىنان تۇسكەن قاراجات مولشەرى 167 ملن تەڭگەنى قۇرادى. «الماتى-قاپشاعاي» جولىنان 140,1 ملن تەڭگە, «الماتى – قورعاس» جولىنان 120 ملن تەڭگە جينالعان. ايتا كەتۋ كەرەك, بىلتىر اقىلى جول ۋچاسكەلەرىنەن جينالعان قاراجات مولشەرى 5,4 ملرد تەڭگەنى قۇرادى. ونىڭ 3,8 ملرد تەڭگەسى – اقىلى جولداردى كۇتىپ ۇستاۋ شارالارىنا, 1,6 ملرد تەڭگەسى تولەم الۋ جۇيەسىنە قىزمەت كورسەتۋ شارالارىنا جۇمسالعان بولاتىن.
2019 جىلدىڭ جەلتوقسانىندا ينۆەستيتسيالىق كونكۋرستىڭ قورىتىندىلارى بويىنشا جولداردىڭ 11 مىڭ شاقىرىمىندا تولەم الۋ جۇيەسىن ورناتۋ جانە ونى كۇتىپ ۇستاۋ تۋرالى قۇجاتقا قول قويىلدى. كەلىسىمگە سايكەس بيىل رەكونسترۋكتسيادان وتكەن 5,7 مىڭ شاقىرىمدىق جولداردىڭ ۋچاسكەلەرىندە تولەم الۋ جۇيەسى ورناتىلادى دەپ جوسپارلانۋدا. جولداردىڭ قالعان 5,3 مىڭ شاقىرىمى 2024 جىلعا دەيىن رەكونسترۋكتسيالاۋ شارالارىنىڭ اياقتالۋ مەرزىمىنە بايلانىستى اقىلى بولماق. وسىلايشا جۇيە اقىلى جولداردىڭ كۇتىمىنە جىل سايىن بيۋدجەت قاراجاتىنىڭ ءبولىنۋىن بولدىرمايدى.
