ول جاھاندىق ەكولوگيالىق قور مەن بۇۇ دامۋ باعدارلاماسىنان شاعىن گرانت الىپ, ءوز اۋىلىندا قالدىقتاردى بولەك جيناۋعا ارنالعان العاشقى كونتەينەرلەردى ورناتقان.
باستاپقى يدەيا وتە قاراپايىم بولدى – تۇرعىنداردى قوقىستى سۇرىپتاۋعا ىنتالاندىرۋ. بۇگىندە اۋىل تۇرعىندارى پلاستيك, شىنى جانە قاعازدى ءبولىپ, ارنايى كونتەينەرلەرگە سالادى. ءار كيلوگرامم ءۇشىن تۇرعىندار شامامەن 30 تەڭگە الادى. ال كومپانيا بۇل شيكىزاتتى زاۋىتتارعا 100 تەڭگەدەن وتكىزەدى.
جينالعان قالدىقتاردى ۆلاديسلاۆ ءوزى الىپ كەتىپ, ارنايى الاڭعا جەتكىزەدى. ول جەردە شيكىزات تازارتىلىپ, پرەستەلەدى, كەيىن قايتا وڭدەيتىن زاۋىتتارعا ساتىلادى. تۇسكەن تابىستىڭ ءبىر بولىگى قايتادان اۋىل تۇرعىندارىنا قايتارىلادى – ولار بۇل قاراجاتتى قايدا جۇمساۋدى وزدەرى شەشەدى.
جۇيە جولعا قويىلعان سوڭ, ىڭعايلى بولۋ ءۇشىن ءموبيلدى سەرۆيس تە ىسكە قوسىلدى. ونىڭ جۇمىسى تاكسي شاقىرۋ قاعيداتىنا ۇقسايدى: تۇرعىندار سۇرىپتالعان قوقىستىڭ سۋرەتىن جىبەرىپ, مەكەنجايىن كورسەتەدى, ال كومپانيا كەلىپ, قالدىقتاردى الىپ كەتەدى.
جالپى, قالدىقتاردى بولەك جيناۋ الەمنىڭ كوپتەگەن ەلىندە بار تاجىريبە. الايدا قازاقستاننىڭ اۋىلدارى ءۇشىن بۇل ء– الى دە جاڭا باعىت. اقسۋ اۋىلىندا بۇل وزگەرىس ءبىر قاراپايىم تۇرعىننىڭ ءۇيىنىڭ ماڭىنداعى بەيبەرەكەت قوقىستان شارشاۋىنان باستالعان.
جوبا اۆتورىنىڭ ايتۋىنشا, قوقىس الاڭدارىن ەكىنشى رەتتىك شيكىزات ماركەتپلەيسىنە اينالدىرۋ قاجەت. ياعني, بۇل – تۇرعىندار ءوز قالدىقتارىن اكەلەتىن جانە قايتا وڭدەۋگە جارامدى شيكىزاتتى كاسىپكەرلەر نەمەسە قىزىعۋشىلىق تانىتقان تۇلعالار ساتىپ الاتىن ورىن. كەيىن ولار بۇل شيكىزاتتى زاۋىتتارعا وتكىزە الادى. وسىنداي ءتاسىل ادامداردىڭ قوقىسقا دەگەن كوزقاراسىن تۇبەگەيلى وزگەرتۋى مۇمكىن.
قازىر ۆلاديسلاۆتىڭ جۇيەسىندە:
- 1000-نان استام وتباسى;
- 200-گە جۋىق كاسىپورىن;
- 11 مەكتەپ;
- وندىرىستىك تسەحتا 12 قىزمەتكەر بار.
جىلىنا 300 توننادان استام شيكىزات قايتا وڭدەلەدى. ال ەڭ باستىسى – اۋىل تۇرعىندارىنىڭ العىسى شەكسىز.
