ايماقتار • 12 ناۋرىز، 2020

«قازاق ارۋى» اكەسىنىڭ ۇجىمىنا قوناققا كەلدى

1236 رەتكورسەتىلدى

«ازاماتتارعا ارنالعان ۇكىمەت» مك كەاق الماتى قالاسى فيليالى مەدەۋ اۋداندىق جەر كاداسترى جانە تىركەۋ ءبولىمىنىڭ باسشىسى ايدار بەيسەمباەۆ جەرگە ورنالاستىرۋشىلار كۇنى قارساڭىندا ۇلكەن قۋانىشقا كەنەلدى. قىزى نارعىز رەسپۋبليكالىق «قازاق ارۋى» بايقاۋىنىڭ باس جۇلدەسىن جەڭىپ الىپ، اتا-اناسىنا ەرەكشە تارتۋ جاسادى.

اتا-انا ءۇشىن بالاسىنىڭ جەتىستىككە جەتىپ، قۋانۋىنان اسقان باقىت بار ما؟!

نارعىز - ايدار جەتپىسجان ۇلىنىڭ بەس بالاسىنىڭ ەكىنشىسى. الماتى قالاسى ىلە اۋدانى اقشي اۋىلىنداعى №8 مەكتەپتى التىن بەلگىمەن ءبىتىرىپ، ت.جۇرگەنوۆ اتىنداعى ونەر اكادەمياسىنا تۇسكەن. بۇگىندە مۋزىكالىق دراما فاكۋلتەتىنىڭ 3-كۋرسىندا وقيتىن نارعىز كوپتەگەن فيلمگە ءتۇسىپ ۇلگەرگەن. رەجيسسەرلەر اقان ساتاەۆ، اسقار ۇزاباەۆتاردىڭ «بيزنەسمەن»، «عازيز جۇرەك»، «كۇي-عۇمىر» سىندى فيلمدەرىندەگى نەگىزگى جانە باستى رولدەردى سومداعان.

«قىزىم نارعىز ءوز جۇرەگىنىڭ قالاۋى بويىنشا ونەر سالاسىن تاڭدادى، ونىڭ تاڭداۋىنا قارسى كەلمەدىك. ول مەكتەپتى جاقسى وقىدى، فيزيكا-ماتەماتيكادان رەسپۋبليكالىق وليمپيادا جەڭىمپازى بولدى. ول ونەردى تاڭداماعاندا، جاقسى ماتەماتيك بولاتىن ەدى»، – دەيدى اكەسى ايدار جەتپىسجان ۇلى.

ايداردىڭ بەس بالاسىنىڭ ۇلكەنى 22-دە، ەڭ كىشىسى - 9 جاستا. ءبارى دە قازاقى ءداستۇردى بويىنا ءسىڭىرىپ، تاربيەلى، ونەگەلى بولىپ ءوسىپ كەلەدى. بۇل ورايدا جارى اسەم سولتانقىزىنىڭ ەڭبەگى ەرەكشە. جوعارى ءبىلىمدى زاڭگەر بولا تۇرا، جۇمىستى قويىپ، ءومىرىن بەس بالاسىنىڭ تاربيەسىنە ارناپ وتىر.

وسىنداي ونەگەلى وتباسىنىڭ وتاعاسى ايدار جەتپىسجان ۇلى 2012 جىلدان بەرى جەر قاداسترى سالاسىندا ەڭبەك ەتىپ كەلەدى.

2012-2015 جىلدار ارالىعىندا الماتى وبلىسى قاراساي اۋداندىق جەر كاداسترى ءبولىمىن باسقارعان ول، ودان كەيىنگى ەڭبەك جولى الماتى قالاسىنداعى «ازاماتتارعا ارنالعان ۇكىمەت» مك كەاق-تا  جالعاسىپ وتىر. ۇجىمدا بەدەلدى باسشى، تاجىريبەلى مامان رەتىندە سىيلى. 

«قازاق ارۋى-2020» رەسپۋبليكالىق بايقاۋىنا قاتىسقان نارعىز ايدارقىزىنا «ازاماتتارعا ارنالعان ۇكىمەت» مك كەاق الماتى قالاسى فيليالى ۇجىمى دا جانكۇيەر بولىپ، قولدادى. «قازاق ارۋى-2020» بايقاۋىنىڭ باس جۇلدەگەرى اتانعان نارعىز ايدارقىزى بۇگىن اكەسى ەڭبەك ەتەتىن ۇجىمعا كەلىپ، قوناقتا بولدى. ول ەندى حالىققا مەملەكەتتىك قىزمەتتەردى ونلاين الۋدى ناسيحاتتاۋ ماقساتىندا، فيليالدىڭ «ىزگىلىك ەلشىسى» ۆولونتەرلەرى قاتارىندا بولماق. تسيفرلىق قىزمەتتەردى ناسيحاتتاۋعا نيەت بىلدىرگەن «قازاق ارۋى» – نارعىزدى فيليال ديرەكتورى دانيار قىرىقباەۆ قۇتتىقتاپ، ۇجىم اتىنان العىسىن ءبىلدىردى. بولاشاقتاعى ءومىر جولىنا ساتتىلىك تىلەدى.

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ۇقساس جاڭالىقتار