ەستەرىڭىزگە سالىپ وتسەك, وتكەن جىلى جازدا تۇركمەنستان وبلىسىنىڭ ارىس قالاسىندا اسكەري ءبولىمنىڭ قويمالىق ورىندارىندا وق-دارىلەر اتىلىپ, ولاردىڭ ورتەنۋى سالدارىنان بۇل مەكەندەردە توتەنشە جاعداي ورىن العان ەدى. جارىلىستاردىڭ ناتيجەسىندە ەلدى-مەكەندەگى بىرنەشە تۇرعىن ءۇي مەن الەۋمەتتىك نىساندارعا زيان كەلتىرىلىپ, 45 مىڭعا جۋىق ادام قالادان شىعارىلدى. قازاقستاندىقتار ارىستاعىلاردىڭ قايعىسىنا نەمقۇرايلى قاراماي, ەلدىڭ تۇكپىر-تۇكپىرىنەن جاپا شەككەندەرگە گۋمانيتارلىق كومەگىن جىبەردى. باسقا ايماقتاردا تۇراتىن قۇرىلىسشىلار از ۋاقىتتىڭ ىشىندە قالاداعى بۇزىلعان ۇيلەردى قالپىنا كەلتىرىپ بەردى.
ارىستاعى قايعىعا كوڭىل بولگەندەردىڭ اراسىندا SANTO كومپانياسىنىڭ قىزمەتكەرلەرى دە بولدى: ولار ءبىر كۇندىك جالاقىسىن اۋدارىپ, قالا تۇرعىندارى ءۇشىن ءبىرىنشى قاجەتتىلىك زاتتارىن, سونىڭ ىشىندە جەكە گيگيەنا قۇرالدارىن جيناپ بەردى. سونداي-اق كومپانيا زارداپ شەككەندەرگە كومەك رەتىندە توتەنشە جاعداي كەزىندە جەدەل جاردەم كورسەتۋ ءۇشىن قاجەت بولاتىن ءدارى-دارمەكتەر, اتاپ ايتقاندا, اۋرۋدى باساتىن دارىلەر, كارديوپرەپاراتتار, انتيبيوتيكتەر بەرىپ جىبەردى.
«بۇل جاعداي ەلدە جەكە فارماتسەۆتيكالىق ءوندىرىستىڭ بولعانى قانشالىقتى ماڭىزدى ەكەنىن كورسەتتى, – دەپ ايتا كەتتى SANTO باس ديرەكتورى يجي ۋربانەتس. – ويتكەنى توتەنشە جاعداي بولعان كەزدەردە ادامداردىڭ تەزىرەك ەمدەلۋى ەڭ الدىمەن ءدارى-دارمەكتەردىڭ قولدا بولۋىنا بايلانىستى. توتەنشە جاعدايلاردا ءدارى-دارمەكتەرمەن دەر كەزىندە قامتاماسىز ەتۋ ءبىزدىڭ تاۋەلسىزدىگىمىز بەن قاۋىپسىزدىگىمىزدىڭ كەپىلى».
2019 جىلدىڭ سوڭىنا قاراي SANTO كومپانياسى ارىس قالاسىنا ورتالىق اۋداندىق اۋرۋحاناعا قازىرگى زامانعى مەديتسينالىق جابدىقتار دا – اۆتوماتتىق گەماتولوگيالىق اناليزاتور, 7 ينفۋزيالىق ءبىر ارنالى سورعىش, 2 وپتيكالىق-پوليارلانعان پلانتوسكوپ, 7 مەديتسينالىق سورعىش جانە 2 دەفيبريللياتور جەتكىزىپ بەردى.
«حالقىمىزدىڭ قيىندىققا ۇشىراعاندارعا اسارمەن كومەكتەسەتىن جاقسى ءبىر ءداستۇرى بار. SANTO كومپانياسى دا ارىستىقتارعا ءدارى-دارمەكتەرمەن, اۋرۋحانا ءۇشىن مەديتسينالىق جابدىقتارمەن تەگىن ءارى باعا جەتپەس كومەك كورسەتتى. بۇل بيزنەستىڭ الەۋمەتتىك جاۋاپكەرشىلىگىنىڭ, قيىن جاعدايعا دۋشار بولعان ادامدارعا قارايلاسۋدىڭ لايىقتى ۇلگىسى», - دەدى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتورايىمى ليۋدميلا بيۋرابەكوۆا.
