قوردىڭ ءباسپاسوز قىزمەتىنىڭ مالىمەتىنشە, 2020 جىلدىڭ 1 اقپانىنا قاراي بىرىڭعاي جيناقتاۋشى زەينەتاقى قورىندا مىندەتتى زەينەتاقى جارناسى بويىنشا اشىلعان جەكە زەينەتاقى شوتتارىنداعى جيناقتىڭ ورتاشا سوماسى 1,09 ميلليون تەڭگە بولدى. وتكەن جىلدىڭ سايكەس كەزەڭىمەن سالىستىرعاندا ءوسىم – 11 پايىز.
بۇل رەتتە ەرلەردىڭ زەينەتاقى جيناعىنىڭ ورتاشا سوماسى – 1,2 ملن تەڭگە (2019 جىلمەن سالىستىرعاندا ءوسىم – 10 پايىز), ال ايەلدەردە – 949 مىڭ تەڭگە ء(وسىم – 12 پايىز).
«سالىمشىلاردىڭ مىندەتتى كاسىپتىك زەينەتاقى جارناسى ەسەبىنەن اشىلعان شوتتارداعى جيناقتىڭ ورتاشا سوماسى – 509 مىڭ تەڭگە ء(وسىم – 17 پايىز), ەرىكتى زەينەتاقى جارناسى بويىنشا – 48,5 مىڭ تەڭگە. ايتا كەتەلىك, بۇل بارلىق سالىمشىلاردىڭ – ەڭبەك جولىن جاڭادان باستاپ, زەينەتاقى جارناسىن قورعا ەندى اۋدارا باستاعان جانە جارنانى جيىرما جىلدان استام ۋاقىتتان بەرى اۋدارىپ كەلە جاتقانداردىڭ شوتىنان الىنعان ساندار», دەلىنگەن حابارلامادا. بيىل جيناقتاۋشى زەينەتاقى جۇيەسىنە 22 جىل تولدى.
بىراق قازىردىڭ وزىندە ارالىق قورىتىندى جاساۋعا بولادى. 1998 جىلدان 2020 جىلدىڭ باسىنا دەيىن زەينەتاقى جارنالارىن تۇراقتى اۋدارىپ كەلگەن سالىمشىلاردىڭ زەينەتاقى جيناعىنىڭ ورتاشا سوماسى 5,3 ملن تەڭگە بولدى.
