كەشە وڭتۇستىك قازاقستان وبلىستىق توتەنشە جاعدايلار دەپارتامەنتىنە «ەۆروكوپتەر-130» تىكۇشاعىنىڭ جوعالىپ كەتكەنى تۋرالى حابار كەلىپ ءتۇستى. ول تىكۇشاق «ساۋت-ويل» سەرىكتەستىگىنە تيەسىلى بولاتىن. بۇل تۋرالى Otyrar. kz حابارلادى.
جەكە كاسىپكەر يەلىگىندەگى تىكۇشاق بورتىندا ۇشقىشپەن بىرگە 3 جولاۋشى بولعان. سول جوعالعان تىكۇشاق بۇگىن تابىلىپ وتىر. اككۋمۋلياتورىندا اقاۋ بولۋى سەبەپتى ماقپال كولىنىڭ جاعاسىنا قونىپ, قايتا ۇشا الماي قالىپتى. زارداپ شەككەندەر جوق. ىزدەستىرۋ جۇمىسىنا 87 ادام, 8 تەحنيكا جۇمىلدىرىلعان.
دانيار تۇيمەباي.
