ءال-فارابي اتىنداعى قازاق ۇلتتىق ۋنيۆەرسيتەتىنىڭ ماگيسترانتتارى عىلىمي ورتالىقتا عىلىمي جەتەكشىلەرمەن تانىستى. ەركىن اڭگىمە بارىسىندا ماگيسترانتتارىمىز مالايزيانىڭ جوعارى وقۋ ورىندارىندا وقۋ ەرەكشەلىكتەرى تۋرالى تومەندەگىدەي اسەرلەرىمەن ءبولىستى.
كۋالا-لۋمپۋرداعى مالاي ۋنيۆەرسيتەتى (UM) مالايزيانىڭ بايىرعى ۋنيۆەرسيتەتى. ول قازىرگى ۋاقىتتا QS World University Rankings رەيتينگىسىندە 114 ورىندا تۇر. مۇندا الەمنىڭ 85 ەلىنەن ءۇش مىڭنان استام شەتەلدىك ستۋدەنت ءبىلىم الىپ وتىر. مۇندا جاڭا وقۋ كورپۋستارى ورنالاسقان. دەمالۋ, سپورتپەن شۇعىلدانۋ ءۇشىن بارلىق جاعداي جاسالعان. سپورت ورتالىعى وليمپيادالىق باسسەينىمەن بىردەي, سونداي-اق كوشەدە دە, ءۇي-جايلاردا دا سپورتتىق كورتتار بار.
ۋنيۆەرسيتەت كىتاپحاناسىنىڭ كىتاپ قورى ءبىر ميلليون ءتورت ءجۇز مىڭنان اسادى. ۋنيۆەرسيتەتتە الپىستان استام زەرتتەۋ ورتالىعى, ەكى كوركەم گالەرەياسى جانە كىتاپ دۇكەنى بار. ۋنيۆەرسيتەت 12 فاكۋلتەتكە بولىنەدى, ونىڭ ىشىندە ستوماتولوگيالىق, زاڭ جانە پەداگوگيكالىق فاكۋلتەتتەر بار. وقۋ باعدارلامالارىنىڭ اراسىندا بازالىق كۋرستار, ديپلوم الۋ باعدارلامالارى, سونداي-اق باكالاۆريات, ماگيستراتۋرا جانە دوكتورانتۋرا بار.
ۋنيۆەرسيتەت جاقسى ءبىلىم بەرۋگە باعىتتالعان. مۇندا ستۋدەنتتەردىڭ شىعارماشىلىق جانە عىلىمي ىزدەنىستەرى ءۇشىن ەڭ قولايلى جاعدايلار جاسالعان. بارلىق پاندەر, جوسپارلار مەن ساباق باعدارلامالارى زاماناۋي نارىقتا باسەكەگە قابىلەتتى بولۋ ءۇشىن قاجەتتى داعدىلار مەن ىسكەرلىكتى قالىپتاستىرۋ ماقساتىندا جاسالعان. ۋنيۆەرسيتەت باعدارلامالارى مودۋلدىك نەگىزدە جاسالادى. بۇل ستۋدەنتتەر ءۇشىن وتە ىڭعايلى. ولار نوتتينگەمدەگى باعدارلامالارمەن بىردەي جانە وقۋ اياقتالعاننان كەيىن وقۋ جۇرگىزىلگەن جەرگە قاراماستان, Nottingham University سەرتيفيكاتى بەرىلەدى.
ازيانىڭ وسى ءبىر اسا ۇلكەن ەمەس مەملەكەتى مالايزياعا جىل سايىن الەمنىڭ ءتۇرلى ەلدەرىنەن 50 مىڭنان استام شەتەل ستۋدەنتتەرى كەلەدى. ويتكەنى مۇندا وقۋ ساپاسى جاقسى, سونىمەن بىرگە باعاسى دا اسا قىمبات ەمەس. كليماتى دا وتە جايلى, قىس بولمايدى, حالقى كوپۇلتتى, شەتەلدىكتەرگە دەگەن قارىم-قاتىناسى دا جاقسى. مالايزيادا مەملەكەتتىك تە, جەكەمەنشىك تە وقۋ ورىندارى بار. ولاردىڭ كوپشىلىگى الەمدەگى بەدەلدى ۋنيۆەرسيتەتتەردىڭ فيليالدارى نەمەسە ۇلىبيتانيا, امەريكا جانە اۆستراليانىڭ جوعارى وقۋ ورىندارىمەن تىعىز ىنتىماقتاسادى. ياعني, مالايزيادا وقۋ ستۋدەنتتەرگە بارىنشا تومەن باعامەن الەمنىڭ ەڭ ۇزدىك ۋنيۆەرسيتەتتەرىنىڭ باعدارلامالارىنان وتۋگە مۇمكىندىك بەرەدى. مالايزياداعى جوعارى وقۋ ورىندارىنىڭ ديپلومدارى الەمنىڭ بارلىق ەلدەرىندە مويىندالعان. سوندىقتان مۇندا وقۋ بىتىرگەن تۇلەكتەرگە الەمنىڭ بارلىق ەلدەرىندە جۇمىس ىستەۋ مۇمكىندىگى بار
الماتى
