سونىڭ ىشىندە پاترۋلدىك پوليتسيا باتالونىنىڭ قىزمەتكەرلەرى پەتروپاۆلداعى بالالار ورتالىعىنىڭ بالالارىنا كەلدى. ساقشىلار قۇر قول كەلمەي, جول بەلگىلەرى سالىنعان تورت, ءتۇرلى ويىنشىقتار, سابىن كوپىرشىگى شوۋىن ۇيىمداستىرىپ, انيماتورلاردى شاقىردى. وسى باتالوننىڭ كومانديرى, پوليتسيا پودپولكوۆنيگى ەرلان ماديەۆ بالالار مەن تاربيەشىلەردىڭ قاتتى رزا بولعانىن ايتتى. بالالار پوليتسەيلەرگە جول قوزعالىسى ەرەجەلەرىن قاتاڭ ساقتاۋعا ۋادە بەىپتى.
ال جەرگىلىكتى پوليتسيا قىزمەتى باسقارماسىنىڭ قىزمەتكەرلەرى وتباسىندا التى بالا تاربيەلەنەتىن شاڭىراققا بارىپ, ءتۇرلى كومەكتەر جاساعان. بۇل ءۇيدىڭ بالالارىنىڭ ۇلكەنى كوللەدجدە وقىسا, كىشكەنتايى ءۇش جاستا عانا. پوليتسەيلەر ولارعا اكەلگەن ازىق-ت ۇلىكتەرىن تابىس ەتتى. ولار بالاقايلارمەن اڭگىمەلەسىپ, بايلانىس نومىرلەرىمەن الماستى.
قالانىڭ شەتكەرى اۋداندارىندا تۇرىپ جاتقان كوپ بالالى وتباسىلارعا اكىمشىلىك پوليتسيا باسقارماسى مەن جەدەل قيمىلدايتىن ارنايى جاساقتىڭ قىزمەتكەرلەرى باردى. ولار دا جانۇيالارعا ازىق-ت ۇلىكتەر اپارىپ, بالالارعا وزدەرىنىڭ بايلانىس نومىرلەرىن جازىپ بەردى.
وسىنداي جۇمىستارتى وبلىستىڭ بارلىق اۋداندارىنداعى 13 پوليتسيا ءبولىمىنىڭ قىزمەتكەرلەرى جۇرگىزۋدە. ماسەلەن, قىزىلجار اۋدانى پوليتسيا ءبولىمىنىڭ قىزمەتكەرلەرى ازىق-ت ۇلىك پەن باسقا دا قاجەتتى زاتتاردى الىپ, بەسكول اۋىلىنداعى گاگارين كوشەسىندە جالعا الىنعان ۇيدە تۇرىپ جاتقان وتباسىعا باردى. وتباسى مۇشەلەرىنىڭ باسپاناسى ورتەنىپ كەتىپ, قيىن ماتەريالدىق جاعدايعا تاپ بولعان.
حالىقپەن تىعىز جۇمىس ىستەيتىندىكتەن ءتارتىپ ساقشىلارى كەي ساتتەرى ولاردى قولداۋدىڭ اسا قاجەت ەكەنىن جاقسى تۇسىنەدى. ءتۇرلى سىيلىقتار بەرۋ, كوڭىل ءبولۋ, جىلى سوزدەر ايتۋ بالالارعا ەرەكشە كوڭىل-كۇي سىيلايدى.
پوليتسيا دەپارتامەنتى باسشىلىعىنىڭ تاپسىرماسى بويىنشا سولتۇستىكقازاقستاندىق پوليتسەيلەر وسىنداي قايىرىمدىلىق شارالارىن جىل سايىن ءداستۇرلى تۇردە ناۋرىز ايىندا وتكىزىپ كەلەدى.
سولتۇستىك قازاقستان وبلىسى
