ايماقتار • 03 ناۋرىز، 2020

الماتىدا بۇۇ-نىڭ 75 جىلدىعىن اتاپ ءوتتى

132 رەتكورسەتىلدى

الماتىدا،  بۇۇ ۇيىندە «بۇۇ-عا 75 جىل:  بولاشاققا كوزقاراس» تاقىرىبىندا دوڭگەلەك ۇستەل ءوتتى.

بۇل شارا ەلىمىزدىڭ بۇۇ-عا قابىلدانۋىنىڭ 28 جىلدىعىنا جانە بۇۇ-نىڭ 75 جىلدىعىنا ورايلاستىرىلدى.  جيىندا ءسوز العان  رەسەيدىڭ  الماتى قالاسىنداعى باس كونسۋلى  ەۆگەني بوبروۆ ايتىپ وتكەندەي، ادامزات ءوز تاريحىندا بۇۇ-عا بالاما بولار وزگە  ۇيىمدى ويلاپ تاپپاپتى.   بىراق  سوعان قاراماستان، بۇۇ جۇمىس ىستەي  باستاعان بەرگى جىلداردان بەرى سىننان كوز  اشقان ەمەس.

«بىراق بۇۇ قابىرعاسىندا ايتىلعان سىننىڭ ءوزى ونىڭ العا جىلجۋىنا مۇمكىندىك بەرەدى» دەدى قۇرمەتتى كونسۋل  مىرزا.   رەسەيلىك ارىپتەسىنىڭ ءسوزىن قۇپتاعان فرانتسيانىڭ الماتىداعى باس كونسۋلى الەكسيس شاحتاحتينسكي بۇۇ قۇرىلعان كۇننەن باستاپ كوپ پوليارلى الەمگە باسىمدىق بەرەتىنىن جەتكىزدى.  «قازىر ساياساتكەرلەر اراسىندا كوپ پوليارلى الەم تۋرالى ءبىر-بىرىنە قارسى شىعاتىن پىكىرلەر كوپ. بۇۇ-نىڭ ومىرشەڭدىگى دە وسى. ءبىر پوليارلى الەممەن ەمەس، كوپ پوليارلى الەممەن كەلىسسوزدەر جۇرگىزۋ وڭاي. بۇل رەتتە بۇۇ قابىرعاسىندا سىننان وتكەن تاجىريبە قازاقستاننىڭ كوپ ۆەكتورلى ساياساتىنا كوبىرەك ۇقسايدى. بۇل جان-جاقتاعى ەلدەرمەن ءبىر مەزگىلدە كەلىسسوزدەر جاساۋعا مۇمكىندىك بەرەدى. جالعىز قازاقستان ەمەس، الەم دە قازىر وسى ساياساتقا دەن قويا باستادى» دەپ اتاپ ءوتتى  الەكسيس شاحتاحتينسكي

دوڭگەلەك ۇستەل بارىسىندا بۇۇ-داعى قازاقستاننىڭ تۇڭعىش تۇراقتى وكىلى اقمارال ارىستانبەكوۆا دايىنداعان كينو دەرەكتەن ۇققانىمىز   قازاقستاننىڭ باس حالىقارالىق ۇيىمعا مۇشەلىككە كىرۋگە دەگەن ۇمتىلىسىن 1991 جىلى بۇۇ-نا رەسپۋبليكانىڭ وسى ۇيىمعا كىرۋىن دايىنداۋ، بۇۇ ساياسي، ەكونوميكالىق، ەكولوگيالىق، گۋمانيتارلىق-قۇقىقتىق  قىزمەتتەرىندە ەلدىڭ مۇددەسىن جۇزەگە اسىرۋ جۇكتەلگەن ارنايى وكىلىن جولداۋىنان اڭعارۋعا بولادى.

1991 جىلى 31 جەلتوقساندا قازاقستاننىڭ وكىلى ا.ح. ارىستانبەكوۆا بۇۇ باس حاتشىسىنا قازاقستان رەسپۋبليكاسىنىڭ بۇۇ-عا مۇشە بولىپ قابىلدانۋى تۋرالى ءوتىنىشىن جەتكىزدى.  قازاقستاننىڭ ءوتىنىشى ءراسىم ەرەجەلەرىنە سايكەس باس حاتشى تاراپىنان قاۋىپسىزدىك كەڭەسىنە جىبەرىلىپ، ول 1992 جىلى 16 قاڭتاردا وتكەن ماجىلىستە قارالدى. ءراسىم ەرەجەلەرى نەگىزىندە قاۋىپسىزدىك كەڭەسى ءوتىنىشتى جاڭا مۇشەلەردى قابىلداۋ كوميتەتىنە قاراۋعا جىبەردى. قازاقستاننىڭ الەمدىك قاۋىمداستىقتاعى تاريحى وسىلاردان باستاۋ الادى.
دوڭگەلەك ۇستەلدى اشقان قازاقستان رەسپۋبليكاسى سىرتقى ىستەر مينيسترلىگى الماتى قالاسىنداعى وكىلدىگىنىڭ باسشىسى ە.ىسقاقوۆ سىندارلى كوپجاقتى ىنتىماقتاستىق تاجىريبەسىنە سۇيەنە وتىرىپ، قازاقستان تۇراقتى دامۋ سالاسىنداعى ايماقتىق سەرىكتەستىڭ ۇستانىمىنا باسا نازار اۋداراتىنىن ايتتى.   وسىعان بايلانىستى ستراتەگيالىق باسىمدىقتاردىڭ ءبىرى - قازاقستان رەسپۋبليكاسىنىڭ تۇڭعىش پرەزيدەنتى - ن.ءا. نازارباەۆ الماتىدا بۇۇ-نىڭ ايماقارالىق ورتالىعىن تۇراقتى دامۋ ماقساتتارىنا باعىتتاي وتىرىپ قۇرماق. «رەسپۋبليكا بۇۇ قۇرىلىمدارىنا بەلسەندى قاتىسادى جانە ايتارلىقتاي ۇلەس قوسادى، ايماقتىق ۇيىمدارمەن ديالوگ الاڭدارىنىڭ ءوزارا ءىس-قيمىلىنىڭ دامۋىنا ىقپال ەتەدى جانە بۇۇ-نىڭ نەگىزگى باعدارلامالىق قۇجاتتارىن جۇيەلى تۇردە جۇزەگە اسىرادى» دەپ ءسوزىن تۇيىندەدى ەرلان ىسقاقوۆ.

بۇۇ-نىڭ قازاقستان رەسپۋبليكاسىنداعى جاھاندىق كوممۋنيكاتسيالار دەپارتامەنتىنىڭ باسشىسى ۆ.سامەك ءوز سوزىندە قازاقستان تىعىز ىنتىماقتاستىق جىلدارىندا ۇيىمنىڭ بەلسەندى قاتىسۋشىسىنا اينالعانىن جانە ىنتىماقتاستىقتى نىعايتۋ جانە ايماقتاعى قاقتىعىستاردى شەشۋ بويىنشا ءتيىستى باستامالاردى كوتەرەتىندىگىن جينالعانداردىڭ قاپەرىنە سالىپ ءوتتى.  بۇۇ باس حاتشىسى انتونيو گۋتەرريش ءوزىنىڭ جاڭا جىلدىق جولداۋىندا ەكى باسىمدىققا - تسيفرلاندىرۋ مەن جاستاردى تارتۋعا ارنالعان بۇۇ-نىڭ 75 جىلدىعىن مەرەكەلەۋدى باستادى. سونىمەن بىرگە، قازاقستان قابىلداعان «تسيفرلىق قازاقستان» مەملەكەتتىك باعدارلاماسى وسى باعىتتارعا دەگەن ادالدىقتى راستايدى، سونىمەن قاتار جاستاردى تارتۋ تاقىرىبى دا ەل ۇكىمەتىنىڭ كۇن تارتىبىندە - وتكەن جىلى «جاستار جىلى» جانە «ەرىكتىلەر جىلى» دەپ جاريالاندى. 

ءوز كەزەگىندە، ەلشى، قازاقستان رەسپۋبليكاسىنىڭ بۇۇ جانىنداعى تۇراقتى وكىلى (1999-2003 ج.ج.)، ءمادينا جاربوسىنوۆا بۇۇ مۇشەسى بولا وتىرىپ، قازاقستان بۇكىل الەمدەگى وزەكتى ماسەلەلەردىڭ شەشىمدەرىن ازىرلەۋگە تولىق قۇقىلى جانە ناقتى مۇمكىندىك العاندىعىن، 28 جىل بويى نەگىزگى حالىقارالىق ۇيىمنىڭ كوپجاقتى كۇش-جىگەرىنە ناقتى ۇلەس قوسقانىن دا ايتىپ ءوتتى.

ەلشى بەيبىتشىلىك پەن حالىقارالىق قاۋىپسىزدىكتى نىعايتۋ، قارۋسىزدانۋ جانە يادرولىق قارۋدى تاراتپاۋ رەجيمىن نىعايتۋ، يادرولىق سىناقتارعا تىيىم سالۋ جانە تىيىم سالۋ سالاسىنداعى قازاقستاننىڭ بۇۇ-داعى نەگىزگى باستامالارىنا توقتالدى.   وسى سالاداعى قازاقستاننىڭ تاريحي ۇلەسى مەن دايەكتى ۇستانىمى الەمدىك قاۋىمداستىقتىڭ قازاقستاننىڭ 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋى رەتىندە راستالىپ، مويىندالعانى اتاپ ءوتىلدى.

م. جاربوسىنوۆا 75 جىل ىشىندە الەمدەگى كوپجاقتى ديپلوماتيانىڭ نەگىزگى قۇرالى بولىپ تابىلاتىن بىرىككەن ۇلتتار ۇيىمى حالىقارالىق بەيبىتشىلىكتى، بىتىمگەرشىلىك قاۋىپسىزدىكتى قامتاماسىز ەتۋدە، قاقتىعىستاردى بولدىرماۋدا جانە شەشۋشى ءرول اتقارعانىن اتاپ ءوتتى.

جيىنعا قاتىسقان ديپلوماتتار مەن ساراپشىلار قاۋىمداستىعى ىنتىماقتاستىقتىڭ جوعارى دەڭگەيىنە قول جەتكىزە العان جانە شىنىمەن دە ستراتەگيالىق سەرىكتەس بولعان قازاقستان مەن بۇۇ اراسىنداعى تىعىز ىنتىماقتاستىقتى جوعارى باعالادى.

جالپى، دوڭگەلەك ۇستەل قازاقستاننىڭ حالىقارالىق ۇيىمدارعا، اتاپ ايتقاندا بۇۇ قىزمەتىنە قاتىسقانداردىڭ قىزىعۋشىلىعىن، سونداي-اق بەيبىتشىلىك پەن قاۋىپسىزدىكتى نىعايتۋعا ۇلەس قوساتىن ايماقتىق ىنتىماقتاستىققا قوسقان ۇلەسىن كورسەتتى.

دوڭگەلەك ۇستەل بۇۇ-نىڭ 75 جىلدىعىنا ارنالعان قازاقستان رەسپۋبليكاسىنداعى بارلىق ءىس-شارالاردىڭ مودەراتورى بولىپ تابىلاتىن قازاقستاندىق مەديا اليانسىنىڭ قولداۋىمەن، قازاقستان رەسپۋبليكاسى سىرتقى ىستەر مينيسترلىگىنىڭ الماتى قالاسىنداعى وكىلدىگى جانە بىرىككەن ۇلتتار ۇيىمىنىڭ الماتىداعى وكىلدىگىمەن بىرلەسىپ وتكىزىلدى.

ءىس-شارا بەلسەندى «سۇراق-جاۋاپ»  سەسسياسىمەن اياقتالدى.

الماتى

سوڭعى جاڭالىقتار

نۇكتە فيلوسوفياسى

رۋحانيات • بۇگىن، 20:23

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار