قازىر مۇندا كوشەتتەر توپىراققا وتىرعىزىلىپ, كۇتىپ-باپتاۋعا الىنعان. «ليموننىڭ كوشەتتەرىن 2016 جىلى وزبەكستاننان ارنايى الدىرتتىق. جىلىجاي قۇرىپ, ءۇشىنشى جىلى 3 توننا, ال بىلتىر 5 توننا ءونىم الدىق. ءار ءتۇپ شامامەن 30-40 كەلىدەن ءونىم بەردى. نەگىزىنەن ءار ءتۇپ ليمون 25-30 جىل ءونىم بەرۋگە قاۋقارلى» دەيدى جىلىجاي باعبانى يۋلداش ابلازوۆ.
جالپى, «نۇرسۇلتان» شارۋا قوجالىعىنىڭ يەلىگىندە 17 گەكتار جەر بار. ونىڭ 6 گەكتارىنا شابدالى, 20 سوتتىعىنا ءجۇزىم, 20 سوتتىعىنا ليمون, 80 مىڭ ءتۇپ شايلى روزا كوشەتتەرى ەگىلىپتى. قوجالىق توراعاسى مۇرات جۇمابەكوۆ الداعى جىلى ليمون كولەمىن تاعى دا 30 سوتتىققا ارتتىرۋدى جوسپارلاپ وتىر.
