1960 جىلى شىرايلى شىمكەنتتە دۇنيەگە كەلگەن ەۆستافيدىڭ سپورتتىق مانسابى جەرگىلىكتى «مەتاللۋرگتە» باستالدى. سول كەزدەرى ول قىراعى مامانداردىڭ نازارىنا ىلىكتى. 1980-1989 جىلدارى ارالىعىندا الماتىنىڭ «قايرات» كلۋبى ساپىندا جاسىنداي جارقىرادى. تالاي ماڭىزدى ماتچتاردا قارسىلاستار قاقپاسىن ءدال كوزدەپ, سان مىڭ جانكۇيەردىڭ العىسىنا بولەندى. رەسپۋبليكامىزدىڭ باس كومانداسى تاريحىندا پەحلەۆانيديدىڭ ەسىمى كسرو چەمپيوناتىندا ەڭ كوپ گول سوققان ويىنشى رەتىندە تاريحتا قالدى. ول 226 كەزدەسۋدە قارسىلاستار قاقپاسىنا 69 رەت گول سالعان.
ەۆستافي پەلەۆانيدي توقسانىنشى جىلداردىڭ باسىندا گرەكياعا قونىس اۋداردى. دەسەك تە قاسيەتتى قازاق جەرىن قيىپ كەتۋ وعان وڭايعا سوقپادى. باستاپقىدا ول سەگiز جىل بويى ءبىز جاققا اتباسىن بۇرمادى. دەسەك تە ساعىنىشى باسىلماعان ەكەن. وسىنشاما ۋاقىت بويى ايگىلى فۋتبولشى الماتىنى بiر كورسەم دەپ ارمانداپتى.
1998 جىلى پەحلەۆانيدىڭ ارمانى ورىندالىپ, قازاقستانمەن قاۋىشۋدىڭ رەتى كەلدى. الماتى اۋەجايىنا تابان تiرەگەن تۇستا ول قاتتى قوبالجىدى. «قالاي بولار ەكەن؟» «وسىنشاما ۋاقىتتان كەيiن جۇرت ونى قالاي قابىلدايدى؟» وسىنداي كەراعار سەزiم بويىن بيلەگەن تۇستا ەۆستافيدىڭ جولىقتىرعان بiرiنشi ادامى – كەدەن قىزمەتكەرi: «پەحا, قالىڭ قالاي؟ جاعدايىڭ جاقسى ما؟» دەپ جىلى شىراي بiلدiردi. بۇل ءسوزدى ەستىگەندە ەۆستافيدىڭ قۋانىشتان جۇرەگi جارىلا جازدادى. قوبالجۋى بەكەر ەكەن, ءبارi دە بۇرىنعىشا. ونى ۇمىتپاپتى. ول سوندا عانا ءوزiنiڭ وتانىنا كەلگەنiن جان-تانىمەن سەزىندى.
قازىرگى كەزدە دە پەحلەۆانيديدىڭ ءدال سونداي كۇيدە الماتىمەن جيi قاۋىشۋعا اسىعاتىنى سوندىقتان. ونىڭ قازاقستاندى كەرەمەت جاقسى كورەتiنiن بiلەتىن بازبىرەۋلەر «سەنiڭ نە, ەكi وتانىڭ بار ما؟» دەپ سۇراعان كورىنەدى. پەحا ەش ويلانباستان «ادامدا ەكi وتان بولمايدى. مەنiڭ دە وتانىم – بiرەۋ, ول – قازاقستان!» – دەپ ءتىل قاتىپتى. مىنە, شىنايى پاتريوتيزم دەگەن وسىنداي بولسا كەرەك!
الماتى
