كولىكتىڭ 35 جاسار جۇرگىزۋشىسى موتور تارسىلداعان سوڭ ونى قىزىپ كەتكەن عوي دەپ ساناپ, اۆتوماشينانى ءسوندىرىپ, ءوزى جۇمىس ىستەيتىن جشس-عا حابارلاسىپ, كومەك شاقىرادى. ال شىعىپ تۇرعان كۇيىك يىسىنە ءمان بەرمەيدى. وسى كەزدە جول باقىلاپ جۇرگەن پاترۋلدىك پوليتسيا باتالونىنىڭ قىزمەتكەرلەرى جانبولات نۇعىمانوۆ پەن سامات جاقتاەۆ سىنعان كولىكتىڭ جانىنا كەلىپ توقتايدى. ولار ماشينانىڭ ماڭىنان كۇيىك ءيىسى شىعىپ جاتقانىن كورىپ, جۇرگىزۋشىگە كابينانى توڭكەرتەدى. سويتسە, موتورعا جاۋىپ قويعان كيىز بىقسىپ جانىپ, پلاستماسسا بولشەكتەر دە ەري باستاعان ەكەن. كيىزدى سۋىرىپ العاندا جالىن جارق ەتىپ, اسپانعا سۋماڭدايدى. ەكى پوليتسەي قاراپ تۇرماي, دەرەۋ ءوز ماشينالارىنان ورتسوندىرگىشتەر اكەلىپ, وتتى سوندىرۋگە كىرىسەدى. ءسويتىپ, قىراعى پوليتسەيلەردىڭ ارقاسىندا جۇك كولىگى مەن ونىڭ قورابىنداعى استىق تۇگەل جانىپ كەتۋدەن ساقتالىپ قالدى.
